Egzod 29:20 - Labib An Kreol Seselwa

²⁰ Ou ava egorz sa mouton. Ou ava pran en pe son disan ki ou ava met lo bout zorey drwat Aaron ek bout zorey drwat son bann garson. Ou ava osi met en pe disan lo pous zot lanmen drwat e lo gro pous zot lipye drwat. Avek leres sa disan, ou ava asperz toultour lotel.

Egzod 29:20 ပူးပေါင်းရင်းမြစ်များ

Egzod 29:19

Ou ava pran sa lot mouton mal. Aaron avek son bann garson ava poz lanmen lo son latet.

Egzod 29:21

Ou ava pran en pe sa disan ki lo lotel avek en pe delwil konsekrasyon; ou ava asperz lo Aaron, lo son labiyman, lo son bann garson e lo zot labiyman. Dan sa fason, Aaron ek son labiyman ava ganny konsakre; son bann garson ek zot labiyman ava osi ganny konsakre.

Ezai 50:5

Senyer BONDYE in ouver mon zorey e mon pa'n revolte. Mon pa ti rekile.

Ezai 52:15

Bokou nasyon pou reste etonnen; bann lerwa pou ferm zot labous devan li akoz zot pou war sa ki pa ti'n anonse, zot ava konpran sa ki zot pa ti'n zanmen tande.

Levitik 14:14

I ava pran disan zannimo sakrifis reparasyon e pas lo bout zorey drwat, lo pous lanmen drwat ek lo pous lipye drwat sa dimoun ki pe ganny pirifye.

Levitik 14:16

I ava tranp son ledwa drwat dan delwil ki dan son lanmen gos, e fer laspersyon set fwa devan SENYER.

Levitik 14:17

Avek sa delwil ki reste dan son lanmen, pret ava pas en pe lo zorey drwat, lo pous lanmen drwat, e lo pous lipye drwat sa dimoun ki pe ganny pirifye, la kot i ti'n pas disan zannimo sakrifis pour reparasyon.

Levitik 14:25

Pret ava egorz sa mouton pour sakrifis reparasyon. I ava pran disan sa mouton e pas lo bout zorey drwat, lo pous lanmen drwat, e lo pous lipye drwat sa dimoun ki pe ganny pirifye.

Levitik 14:28

I ava pas en pe sa delwil ki dan son lanmen lo bout zorey drwat, lo pous lanmen drwat, e lo pous lipye drwat sa dimoun ki pe ganny pirifye, la kot i ti'n pas disan zannimo pour sakrifis reparasyon.

Levitik 14:7

I ava fer laspersyon set fwa lo sa dimoun ki devre ganny pirifye avek son maladi ki parey lalep. Apre, i ava deklar li pir, e i ava larg sa zwazo vivan e les li anvol ver lakanpanny.

Levitik 16:19

Avek son ledwa, i ava fer laspersyon disan set fwa lo lotel ki i ganny pirifye akoz lenpirte pep Izrael, e i ava rann li sakre.

Levitik 8:23

Moiz ti egorz li e pran en pe son disan ki i ti pas lo bout zorey drwat Aaron, lo pous son lanmen drwat e lo gro pous son lipye drwat.

Levitik 8:24

Moiz ti fer bann garson Aaron avans devan. I ti met en pe disan lo bout zot zorey drwat, lo pous zot lanmen drwat, e lo gro pous zot lipye drwat. Apre, Moiz ti pran leres disan e aroz otour lotel.

Mark 7:33

Alor, Zezi ti anmenn li an deor lafoul e pran li alekar. I ti met son ledwa dan son zorey, tous son lalang avek lasaliv.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 12:24

Zot in apros avek Zezi, medyater nouvo lalyans, e avek son disan verse, ki koz dan en mannyer pli favorab ki disan Abel.

1 Pyer 1:2

Pour tou bann ki'n ganny swazir e destinen pour ganny sove par Bondye nou Papa, e ki'n vin en pep sen par Lespri pour obei Zezi-Kri, e ganny pirifye par son disan, nou demann lagras ek lape annabondans pour zot.