Egzod 29:13 - Labib An Kreol Seselwa

¹³ Ou ava pran tou lagres ki kouver trip sa zannimo, son lefwa ek son de ronnyon avek lagres ki lo la e ou ava brile lo lotel.

Egzod 29:13 ပူးပေါင်းရင်းမြစ်များ

Psonm 22:14

Mon lafors in koule parey delo; tou mon bann lezo in large. Parey lasir, mon leker i fonn dan mon pwatrin.

Egzod 12:9

Pa manz sa lavyann kri oubyen bwi dan delo, me roti lo dife, avek son latet, lapat ek trip.

Egzod 29:18

Ou ava bril sa mouton antye lo lotel. Sa i en sakrifis konplet pour SENYER, en lofrann ki donn en loder ki fer plezir SENYER.

Egzod 29:22

Ou ava pran lagres sa mouton mal, lagres ki dan son lake, lagres ki kouver son trip, son lefwa, son ronnyon, ek son kwis drwat. Sa i ava mouton konsekrasyon.

Egzod 29:25

Apre, ou ava pran tousala avek zot e bril zot lo lotel, par lao sakrifis konplet. Sa, ava donn en loder ki fer plezir SENYER.

Ezai 1:11

SENYER i'n deklare: Ki mon annan pour fer avek tou zot kantite sakrifis? Mon'n ganny ase avek sakrifis konplet bann mouton mal e avek lagres bann zannimo ki'n ganny angrese; ni disan toro, ni disan zenn mouton, ni disan bouk pa fer mwan plezir.

Ezai 34:6

Lepe SENYER i kouver avek disan e avek lagres; avek disan bann zenn mouton ek bann bouk; avek lagres ronnyon bann mouton. SENYER in ofer en sakrifis dan Bosra; en masak terib dan pei Edonm.

Ezai 43:24

Ou pa'n depans larzan pour aste bann plant parfimen pour mwan. Ou pa'n fer mwan rasazye ek lagres ou bann sakrifis. Me ou'n fer mwan vin lesklav ou bann pese; ou'n fatig mwan avek ou bann move aksyon.

Levitik 1:15

En pret ava anmenn sa zwazo devan lotel, koup son likou e bril li lo lotel; i ava les son disan koul lo kote lotel.

Levitik 1:9

Trip ek bann lapat ava ganny lave avek delo. Apre, en pret ava bril tousala lo lotel. Sa, i ava en sakrifis konplet, brile dan dife, ki anvoy en loder ki fer plezir SENYER.

Levitik 16:25

Apre, i ava bril lo lotel tou lagres zannimo sakrifis pour pardon pese.

Levitik 17:6

Alor, avek sa disan, pret ava asperz lotel SENYER devan lantre Latant Rankont, e bril tou lagres ki anvoy en loder ki fer plezir SENYER.

Levitik 4:26

I ava bril tou son lagres lo lotel, parey i fer pour lagres sakrifis lape. Pret ava ofer sakrifis pour pardon son pese e i ava ganny pardonnen.

Levitik 4:31

I ava retir tou son lagres, parey i fer pour zannimo sakrifis lape. Pret ava bril li lo lotel pour donn en loder ki fer plezir SENYER. Konmsa, ki pret ava ofer sa sakrifis pour pardon pese sa senp sitwayen e i ava ganny pardonnen.

Levitik 4:35

I ava retir tou lagres, parey i tir lagres mouton dan sakrifis lape. Pret ava bril li lo lotel, avek lezot sakrifis brile pour SENYER. I ava ofer sa sakrifis pour li ganny pardon pese ki i'n komet, e i ava ganny pardonnen.

Levitik 6:12

Sa dife lo lotel i devre reste touzour alimen. Fodre pa ki i tennyen. Tou le bomaten, en pret ava azout dibwa, plas bann sakrifis konplet lo la e bril bann morso lagres sakrifis lape.

Levitik 7:3

Tou lagres ava ganny ofer: Lagres lo lake, lagres ki anvlop trip,

Levitik 7:31

Pret ava bril lagres lo lotel, me pwatrin ava vin pour Aaron ek son bann garson.

Levitik 7:4

son de ronnyon avek lagres ki anvlop zot, sa ki dan son kote, ek son bann morso lefwa e ki detas ansanm avek bann ronnyon.

Levitik 8:16

Moiz ti pran tou lagres ki ti anvlop trip, bann morso lefwa ek son de ronnyon ansanm avek lagres ki antour li. I ti bril tousala lo lotel.

Levitik 8:25

Moiz ti pran tou morso lagres, lake, lagres ki anvlop trip, ek bann morso lefwa, son de ronnyon, avek lagres ki anvlop zot ek son kwis drwat.

Levitik 9:10

I ti bril tou lagres, ronnyon, bann morso lefwa sa zannimo pour pardon pese e bril zot lo lotel, parey SENYER ti'n ordonn Moiz.

Levitik 9:19

Zot ti osi remet li bann morso lagres toro ensi ki lake mouton ek tou lagres ki anvlop son trip, son bann ronnyon, ek bann morso lefwa.

Nonm 18:17

Me ou pa pou kapab aste premye porte en bef, en mouton oubyen en kabri, akoz zot sakre. Ou ava vers zot disan lo lotel, bril zot lagres e bril zot karkas koman en sakrifis lo lotel; i pou en loder ki fer plezir SENYER.

1 Samyel 2:16

Si sa zonm ti dir, “Les lagres brile avan, apre ou ava pran sa ki ou oule.” Sa serviter ti reponn, “Non, mon oule la, deswit, sinon mon pran pardfors.”