Egzod 29:1 - Labib An Kreol Seselwa

¹ La ki mannyer ou ava konsakre zot pour ki zot servi mwan koman pret: Pran en zenn toro, de mouton mal san defo,

Egzod 29:1 ပူးပေါင်းရင်းမြစ်များ

2 Kronik 13:9

Pa zot in sas tou bann pret SENYER, bann garson Aaron, ek bann levit e ranplas zot par bann pret parey lezot nasyon i fer? Nenport ki, ki vin avek en toro ek set bouk, ti kapab vin pret en dan servis sa ki pa Bondye.

Egzod 12:5

Sa zenn mouton i devret san defo e aze enn an. Ou ava kapab pran li parmi bann mouton oubyen bann kabri.

Egzod 20:11

Annefe, pandan sis zour, SENYER ti fer lesyel ek later, lanmer e tou sa ki ladan; setyenm zour i ti repoze. Pour sa rezon, SENYER ti beni zour saba e i ti konsakre li.

Egzod 28:1

SENYER ti ordonn Moiz: Konvok parmi Izrael ou frer Aaron ek son bann garson, Nadab, Abihou, Eleazar ek Itamar. Met zot apar pour servi mwan koman pret.

Egzod 28:3

Ou ava koz avek tou bann artizan ki mon'n donn bokou abilite ek lasazes. Demann zot fer bann labiyman pour Aaron pour ki i kapab ganny konsakre pour servi mwan koman pret.

Egzod 28:41

Ou ava abiy ou frer Aaron ek son bann garson. Ou ava donn zot lonksyon, ordonn zot e konsakre zot pour zot servi mwan koman pret.

Egzod 29:21

Ou ava pran en pe sa disan ki lo lotel avek en pe delwil konsekrasyon; ou ava asperz lo Aaron, lo son labiyman, lo son bann garson e lo zot labiyman. Dan sa fason, Aaron ek son labiyman ava ganny konsakre; son bann garson ek zot labiyman ava osi ganny konsakre.

Ezekyel 43:23

Kan ou ava'n fini sakrifis pirifikasyon, ou ava pran dan troupo, en toro san defo ek en mouton mal san defo pour sakrifis.

Levitik 14:11

Pret ki fer rityel pirifikasyon ava prezant devan SENYER sa zonm ki pe ganny pirifye dan lantre Latant Rankont avek bann lofrann.

Levitik 16:3

La ki mannyer Aaron pou antre dan sanktyer: I devre anmenn en zenn toro pour sakrifis pardon pese ek en mouton mal pour sakrifis konplet.

Levitik 22:20

I pa devre prezant en zannimo ki annan en defo, sankwa mon pa pou aksepte li dan ou faver.

Levitik 4:3

si en pret konsakre ki'n fer sa pese, e par la i'n rann koupab lepep antye, i ava ofer SENYER koman sakrifis pardon pour son pese, en zenn toro san okenn defo.

Levitik 6:13

Sa dife i devre reste touzour alimen lo lotel; i pa devre zanmen tennyen.

Levitik 6:6

Koman sakrifis reparasyon pour SENYER, i devre anmenn kot pret en mouton mal san defo sorti dan son troupo, oubyen son lekivalan.

Levitik 7:35

Sa bann par i vin pour Aaron ek son bann garson lo bann sakrifis brile devan SENYER, de ki zot in ganny konsakre pour servi SENYER koman pret.

Levitik 8:1

SENYER ti dir Moiz,

Levitik 9:2

I ti dir Aaron, “Pran en zenn toro pour sakrifis pardon pese, ek en mouton mal pour sakrifis konplet; tou le de i devre san defo. Prezant zot devan SENYER.

Matye 6:9

La ki mannyer zot devre priye: Nou Papa ki dan lesyel! Nou demande ki ou non sen i ganny glorifye,

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.