Egzod 28:4 - Labib An Kreol Seselwa

⁴ La bann labiyman ki zot ava fer: En pektoral, en lefod, en rob, en rob brode, en tirban ek en sentir. Zot ava fabrik sa bann ornman sakre pour ou frer Aaron ek son bann garson pour zot servi mwan koman pret.

Egzod 28:4 ပူးပေါင်းရင်းမြစ်များ

2 Samyel 6:14

David ti danse avek tou son lafors devan SENYER avek en lefod linenn otour li.

Egzod 25:7

korlalin ek lezot pyer presye pour garni lefod ek pektoral.

Egzod 29:6

Ou ava met tirban lo son latet e kouronn par lao son tirban.

Egzod 39:28

Zot ti osi fer bann tirban an linenn fen, bann bonnen avek latwal linenn fen; bann kannset avek latwal linenn fen, trese;

Ezai 11:5

Lazistis ava en sang otour son leren; fidelite ava parey en sentir otour son laans.

Ezai 59:17

I met lazistis koman en zile proteksyon; lo son latet i met kas delivrans. I abiy li dan lenz vanzans e anvlop li dan palto zalouzi.

Oze 3:4

Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Efezyen 6:14

Alor, met zot pare: Pran laverite koman en sang otour zot leren; pran ladrwatir koman en proteksyon lo zot pwatrin;

1 Tesalonisyen 5:8

Me nou, akoz nou fer parti lizour, annou reste vizilan: Pran pour boukliye, lafwa ek lanmour e pour kas proteksyon, lesperans pour ganny sove.

Revelasyon 9:17

Dan mon vizyon, la ki mannyer mon ti war bann seval avek zot bann kavalye: Bann kavalye ti port lenz lager kouler rouz koman dife, ble koman pyer safir, e zonn koman souf. Latet bann seval ti koman latet lyon. Dife, lafimen ek souf ti sorti dan zot labous.

1 Samyel 2:18

Sa pti garson, Samyel, abiye dan en lefod fer avek latwal linenn, ti kontinyen servi SENYER.

1 Samyel 22:18

Alor, lerwa ti dir Doeg, “Ale ou! Touy bann pret.” Doeg, sa Edomit, ti al touy sa bann pret. Sa zour, i ti touy 85 zonm ki port lefod linenn.

1 Samyel 23:6

Kan Abiatar, garson Ahimelek ti sove pour rezwenn David Keila, i ti'n desann avek son lefod dan lanmen.

1 Samyel 30:7

David ti dir pret Abiatar, garson Ahimelek, “Anmenn mwan lefod.” Abiatar ti anmenn lefod kot David.