Egzod 28:36 - Labib An Kreol Seselwa

³⁶ Ou ava fer en fler annor pir e ou ava grav lo la parey lo en bag: Konsa-kre pour SENYER.

Egzod 28:36 ပူးပေါင်းရင်းမြစ်များ

1 Kronik 23:13

Bann garson Anmranm: Aaron ek Moiz. Aaron ek son bann garson ti ganny konsakre pour servis tre sen, pour ofer lansan devan SENYER, pour ofisye pour li e pronons bann benediksyon lo son non, pour touzour.

Psonm 93:5

Ou bann komannman i vreman sir. SENYER! Ou tanp i reste sen pour touzour.

Egzod 19:6

Zot ava vin en rwayonm pret e en nasyon sen pour mwan. Sa i bann parol ki ou pou dir avek zanfan pep Izrael.”

Egzod 28:11

Ou ava fer en artizan grav non bann garson Izrael lo sa de pyer presye; i ava mont zot dan bann montan annor.

Egzod 28:35

Aaron ava met sa rob ler i pe fer son fonksyon pret. Dimoun ava tande ler i antre dan sanktyer devan SENYER, e ler i sorti, pour ki i pa mor.

Egzod 28:37

Ou ava atas li avek en kordon ble lo tirban; i ava lo devan tirban.

Egzod 28:9

Ou ava pran de pyer presye e ou ava grav lo la non bann garson Izrael:

Egzod 29:6

Ou ava met tirban lo son latet e kouronn par lao son tirban.

Egzod 39:27

Bann artizan ti fer bann ornman rob avek latwal linenn fen, pour Aaron ek son bann garson.

Egzod 39:30

Zot ti fer rozet pour kouronn sakre annor pir, e zot ti grav en lenskripsyon parey en sele: Konsakre pour SENYER.

Egzod 39:31

Zot ti fikse sa kouronn avek en kordon ble par anler tirban, parey SENYER ti'n donn lord Moiz.

Ezai 23:18

Son bann marsandiz ek son lapey ava ganny konsakre pour SENYER. Son bann benefis pa pou ganny anmase, ni ganny met an rezerv. Me son bann marsandiz pou servi pour byen nouri e byen abiy bann ki viv dan prezans SENYER.

Ezekyel 43:12

La regleman pour tanp: Tou lespas lo latet sa montanny ek teritwar toultour, i devre ganny konsidere tre sakre. Sa i lalwa tanp.

Levitik 10:3

Moiz ti dir Aaron: SENYER ti byen dir: Tou sa ki apros mwan, devre rekonnet mon sentete, e mon ava ganny glorifye devan lepep antye. Aaron pa ti dir nanryen.

Levitik 19:2

Koz avek pep Izrael: Zot ava sen, akoz mwan SENYER zot Bondye, mon sen.

Levitik 8:9

Moiz ti poz en tirban lo son latet, e devan tirban i ti met en plak annor, kouronn sakre, parey SENYER ti'n ordonn li.

Zakari 14:20

Sa zour, zot ava ekri lo laklos bann seval: Konsakre pour SENYER. Bann marmit ki servi dan tanp SENYER, pou osi sakre ki bann bol ki servi devan lotel.

Ebre 12:14

Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.

Ebre 7:26

Zezi i sa Gran-Pret ki nou ti bezwen: I sen, inosan, san pese, separe avek tou bann peser e plase pli o ki lesyel.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

Revelasyon 21:27

Okenn lenpirte pa pou antre dan lavil, ni personn ki pratik bann akt degoutan ek mansonz. Zis bann ki zot non in ganny enskri dan liv lavi Zenn Mouton ki pou kapab antre.