Egzod 28:30 - Labib An Kreol Seselwa

³⁰ Ou ava met Ourim ek Toumim dan pektoral zizman. Zot ava lo leker Aaron kan i ava antre devan SENYER. Konmsa, Aaron ava pe touzour port lo son leker, zizman pour pep Izrael devan SENYER.

Egzod 28:30 ပူးပေါင်းရင်းမြစ်များ

Esdras 2:63

Gouverner ti ordonnen ki zot pa manz bann manze sakre, ziska ki en pret i konsilte Ourim ek Toumim.

Nehemi 7:65

Gouverner ti defann zot manz bann lofrann tre sakre, ziska ki en pret i la pour konsilte Ourim ek Toumim.

Egzod 28:29

Kan Aaron ava'n antre dan sanktyer, i ava port lo son leker, non bann garson Izrael, grave lo pektoral zizman; sa i ava en memoryal pour touzour devan SENYER.

Levitik 8:8

Apre, i ti plas pektoral lo son pwatrin e met Ourim ek Toumim ladan.

Zakari 6:13

Annefe, li menm ki pou konstri tanp SENYER. I pou resevwar kouronn rwayal. I pou asiz lo son tronn pour gouvern lepep. En pret pou asiz lo tronn akote li. Pou annan lantant ek larmoni.

Nonm 27:21

I pou asiste pret Eleazar ki ava konsilte Ourim. Konmsa, i ava diriz Zozye e lepep ava swiv.”

2 Korentyen 12:15

Mwan, mon pare pour depans tou pour zot, menm mon prop lekor. Si mon kontan zot otan, eski zot pou kontan mwan mwens?

2 Korentyen 7:3

Mon pa pe dir sa pour kondann personn. Annefe, parey mon'n deza dir: Zot dan nou leker pour lavi e pour lanmor.

Deterononm 33:8

La sa ki Moiz ti dir lo Levi: Donn Levi, sa enn ki lwayal anver ou ou Toumim ek ou Ourim. Ou ti teste li Massa, e ou ti provok li kot sours Meriba.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.

Ebre 9:12

I'n antre en fwa pour tou dan sanktyer, non pa avek disan bouk ek toro, me avek son prop disan, pour fer nou ganny delivre pour touzour.

Ebre 9:24

Annefe, Kris pa'n antre dan kopi en sanktyer ki'n fer par zonm, me i'n antre dan lesyel menm, pour prezant li menm devan Bondye pour nou.

Ziz 1:1

Apre lanmor Zozye, pep Izrael ti al konsilte SENYER. Zot ti demande “Lekel parmi nou ki pou al an premye, konbat bann Kananeen?” SENYER ti dir,

Ziz 20:18

Bann Izraelit ti mont Betel pour konsilte Bondye: Lekel parmi nou ki pou al premye pour lager kont bann Benzamit? SENYER ti reponn: Zida ki pou al premye.

Ziz 20:23

Bann Izraelit ti al plere devan SENYER ziska aswar. Zot ti konsilte SENYER: Eski fodre nou atak ankor nou bann frer Benzamit? SENYER ti reponn: Atake.

1 Samyel 28:6

Sail ti konsilte SENYER, me SENYER pa ti reponn li, ni par rev, ni par Ourim, ni par bann profet.