Egzod 26:33 - Labib An Kreol Seselwa

³³ Ou ava atas sa rido avek bann zagraf; anndan, deryer sa rido ou ava plas Kof temwannyaz. Sa rido ava en separasyon ant Lasal Sen ek Lasal Tre Sen.

Egzod 26:33 ပူးပေါင်းရင်းမြစ်များ

1 Rwa 6:16

I ti osi lanbri miray lasal deryer avek dibwa sed depi anba, ziska lao, lo en oter 10 met. Answit, anndan, i ti aranz en lasal sakre, Lasal Tre Sen.

1 Rwa 8:10

Kan bann pret ti sorti dan lasal sen, en nyaz ti ranpli tanp SENYER.

1 Rwa 8:6

Bann pret ti anmenn Kof lalyans SENYER e met li dan son plas dan sanktyer, dan Lasal Tre Sen, anba lezel seriben.

2 Kronik 3:8

I ti fer Lasal Tre Sen 10 met longer e 10 met larzer parey larzer tanp. Zot ti servi plis ki 20 tonn lor meyer kalite pour kouver miray enteryer.

Egzod 25:16

Ou ava met dan Kof Lalyans, plak temwannyaz ki mon pou donn ou.

Egzod 26:32

Ou ava met li anpandan lo kat kolonn fer avek dibwa akasya, kouver avek lor; zot ava ganny tenir avek zot zagraf annor, poze lo kat sipor annarzan.

Egzod 27:10

I ava tenir lo son 20 kolonn e son 20 sipor an bronz. I ava annan bann krose pour bann kolonn ek bann treng annarzan.

Egzod 27:21

Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.

Egzod 36:36

Zot ti fer kat kolonn avek dibwa akasya, kouver avek lor, ansanm avek zot krose annor, poze lo kat bar annarzan.

Egzod 40:21

I ti anmenn Kof dan sanktyer; i ti plas rido separasyon e kouver Kof Temwannyaz parey SENYER ti'n ordonn li.

Egzod 40:3

Ou ava met Kof Temwannyaz ladan e ou ava kouver li avek rido separasyon.

Ezekyel 41:4

I ti mezir lasal: Longer 10 met, larzer 10 met. I ti dir mwan, “Sa i Lasal Tre Sen.”

Levitik 16:2

SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.