Egzod 25:8 - Labib An Kreol Seselwa

⁸ Zot ava konstri en sanktyer pour mwan, e mon ava reste parmi zot.

Egzod 25:8 ပူးပေါင်းရင်းမြစ်များ

1 Rwa 6:13

Mon pou reste avek pep Izrael; mon pa pou abandonn mon pep Izrael.

1 Kronik 22:19

Alor, met tou zot leker ek tou zot lespri pour konn lavolonte SENYER zot Bondye. Leve e konstri sanktyer SENYER, ou Bondye, pour ki Kof Lalyans SENYER ek bann lobze sakre Bondye, i ganny en plas dan tanp ki pou ganny konstri pour SENYER.”

Egzod 15:17

Ou pou anmenn zot e etabli zot lo montanny ou posesyon, en landrwa ki ou'n prepare pour ou reste, SENYER, dan sa sanktyer ki ou lanmen in prepare, SENYER.

Egzod 15:2

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Egzod 29:45

Mon pou reste parmi pep Izrael e mon pou vin zot Bondye.

Egzod 29:46

Konmsa, zot ava konnen ki mwan menm SENYER zot Bondye ki ti fer zot sorti Lezip, pour reste parmi zot. Mwan menm SENYER, zot Bondye.

Ezai 12:6

Zabitan Siyon kriy byen for! Sant zot lazwa, akoz Bondye sen Izrael i gran parmi zot.

Ezekyel 37:26

Mon pou fer en lalyans lape avek zot. Sa i en lalyans ki pou reste pour touzour. Mon pou beni zot la e fer zot vin nonbre. Mon pou etabli mon sanktyer parmi zot pour touzour.

Ezekyel 37:28

Kan mon ava'n plas mon sanktyer parmi zot pour touzour, bann nasyon ava konnen ki mwan menm SENYER; mon'n konsakre Izrael pour mon servis.

Ezekyel 43:7

Sa lavwa ti dir mwan: Ou ki en imen, ekoute! Isi i landrwa kot mon tronn i ete; la kot mon poz mon lipye. Mon pou reste parmi pep Izrael pour touzour. Ni pep Izrael, ni son bann lerwa pa pou dezonor mon non sen ankor par zot lavi prostitisyon e par bann kadav zot bann lerwa lo zot bann oter.

Levitik 10:4

Moiz ti konvok Mikael ek Elisafann, garson Ouzyel, tonton Aaron. I ti dir zot, “Aprose e pran lekor zot bann frer devan sanktyer e anmenn lwen an deor kan.”

Levitik 21:12

I pa pou sorti dan sanktyer pour li profann sanktyer son Bondye. Annefe, i'n ganny konsakre avek delwil son Bondye. Mwan menm SENYER.

Levitik 26:11

Mon pou vin reste parmi zot; mon pa pou abandonn zot.

Levitik 4:6

I ava tranp son ledwa dan disan e fer laspersyon set fwa devan SENYER, devan rido sanktyer.

Zakari 2:10

Zabitan Siyon i sante: Fer lafet! Akoz, la sa ki SENYER i deklare: Mon pou vini e mon pour reste parmi zot.

Zakari 8:3

La sa ki SENYER i deklare: Mon pou retourn Siyon. Mon pou reste ankor dan milye Zerizalenm. Zerizalenm pou ganny apele Lavil Fidelite. Montanny SENYER liniver pou ganny apele Montanny Sakre.

Nonm 5:3

Fer sorti tou zonm oubyen fanm; met zot an deor kan pour zot pa kontamin kan kot mon pe reste parmi zot.

Akt de Zapot 7:44

Nou bann zanset ti annan Latant Temwannyaz avek zot dan dezer. Sa Latant ti'n ganny fer egzakteman parey Bondye ti'n ordonn Moiz. Annefe, Bondye ti'n dir Moiz reprodwir sa model ki i ti'n war.

2 Korentyen 6:16

Ki Tanp Bondye i annan an komen avek bann zidol? Annefe, nou menm ki tanp Bondye vivan. Parey Bondye in deklare: Mon pou mars parmi zot; mon pou vin zot Bondye e zot ava vin mon pep.

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Ebre 3:6

Me koman son Garson, Kris i fidel dan lakaz Bondye. Sa lakaz se nou, si nou gard nou konfyans e reste solid dan sa ki nou pe espere.

Zozye 22:31

Alor, Fineas, garson pret Eleazar, ti dir avek bann Ribenit, bann Gadit ek bann desandan Manase, “Ozordi nou konnen ki SENYER i parmi nou, akoz zot pa'n komet en traizon kont SENYER. Alor, zot in delivre pep Izrael dan lanmen SENYER.”

Revelasyon 21:3

Mon ti antann en lavwa for sorti kot tronn kriye: La aprezan, Bondye in fer son demer parmi zonm. I pou reste avek zot. Zot pou vin son pep, e i pou vin zot Bondye.