22 La kot mon pou rankontre ou; mon pou koz avek ou depi kouvertir Kof Lalyans, ant sa de seriben ki lo Kof Temwannyaz, pour mwan donn ou tou bann lord pour pep Izrael.
David, avek tou son bann zonm, ti kit Baal-Zida pour retourn avek Kof Bondye, lo lekel non SENYER liniver i ganny envoke, ki asiz lo bann seriben, par lao Kof lalyans.
Ezekyas ti priy devan SENYER e i ti dir: SENYER, Bondye Izrael, ou ki ou tronn i par lao bann seriben. Ou ki sel Bondye dan bann rwayonm lo later; ou ki'n kree lesyel ek later.
David avek Izrael antye ti mont Baala, setadir Kiryat-Yearim, ki ti pour Zida, pour fer retournen Kof Bondye, SENYER ki asiz lo son tronn par lao bann seriben, la kot son non i ganny envoke.
Ou ava fer mwan en lotel avek later. Lo la, ou ava ofer zannimo koman sakrifis konplet ek sakrifis lape, bann mouton, bef ek kabri. Partou kot ou ava envok mon non, mon pou vin kot ou e mon pou beni ou.
Aaron avek son bann garson ava plas sa portlanp devan sa rido ki maske Kof lalyans, pour ki i alimen devan SENYER depi bomaten ziska aswar. Sa regleman ava pour touzour, pour tou zenerasyon bann Izraelit.
Ou ava kraz li e fer li vin anpoud e met li devan Kof Lalyans, dan Latant Rankont, la kot mon pour rankontre ou. Sa i devre en keksoz tre sakre pour zot.
Mon'n swazir Oholiab, garson Ahisamak, sorti dan tribi Dann, koman son asistan. Mon'n donn abilite ek talan bokou bann artizan, pour zot kapab fer tou sa ki mon'n ordonn ou:
SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.
Lepep ti anvoy en group zonm Silo, pour al sers Kof lalyans Bondye liniver ki son tronn i ant bann seriben. De garson Eli, Hofni ek Fineas ti akonpanny Kof lalyans Bondye.