Egzod 25:21 - Labib An Kreol Seselwa

²¹ Ou ava met sa plak kouvertir lo Kof Lalyans e ou ava met dan Kof, temwannyaz ki mon pou donn ou.

Egzod 25:21 ပူးပေါင်းရင်းမြစ်များ

1 Rwa 8:9

Dan Kof Lalyans, ti annan zis sa de plak ros ki Moiz ti met ladan depi montanny Horeb, kot SENYER ti fer lalyans avek pep Izrael, ler zot ti sorti Lezip.

2 Kronik 23:11

Alor, pret Yoyada ti fer sorti Zoas, garson lerwa; i ti plas kouronn lo son latet, prezant li avek dokiman Temwannyaz. Apre, ansanm avek son bann garson, zot ti konsakre li avek delwil e proklanm li lerwa. Lepep ti kriye: Viv lerwa!

Egzod 16:34

Parey SENYER ti'n ordonnen avek Moiz, Aaron ti plas sa po lamann devan bann plak Temwannyaz pour ki i ganny konserve.

Egzod 26:34

Ou ava plas plak kouvertir lo Kof Temwannyaz dan Lasal Tre Sen.

Egzod 30:6

Ou ava plas sa lotel devan rido ki maske Kof Lalyans, anfas avek kouvertir sakre ki lo Kof, la kot mon pou rankontre ou.

Egzod 40:20

Moiz ti pran plak ros lalyans e met dan Kof Lalyans; i ti met bann bar lo Kof e plas kouvertir lo Kof Lalyans.

Levitik 16:13

I ava met lansan lo labrez devan SENYER; nyaz lafimen ki monte ava anvlop kouvertir Kof Lalyans ki annan dokiman lalyans. Konmsa i pa pou mor.

Levitik 16:2

SENYER ti dir Moiz: Dir ou frer, Aaron, pa antre nenport ler dan sanktyer, anndan par deryer rido separasyon, kot Kof Lalyans. Annefe, i kapab mor, ler mon aparet dan lafimen par lao kouvertir Kof Lalyans.

Nonm 17:4

Pran sa bann baton e depoz zot dan Latant Rankont SENYER devan Temwannyaz kot mon rankontre ou.

Nonm 7:89

Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.

Romen 10:4

Annefe, Kris i anmenn Lalwa Moiz ver son bit, pour ki tou dimoun ki krwar i ganny zistifye devan Bondye.

Deterononm 10:5

Alor, mon ti vire e desann montanny. Mon ti met sa de plak ros dan kof ki mon ti'n fer. Zot ti reste la, parey SENYER ti'n ordonn mwan.