Egzod 23:8 - Labib An Kreol Seselwa

⁸ Ou pa pou pran okenn gous, akoz en gous i anpes dimoun war kler e dimoun onnet pa ganny lazistis.

Egzod 23:8 ပူးပေါင်းရင်းမြစ်များ

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Psonm 26:10

Zot lanmen i sal avek bann aksyon degoutan. Zot lanmen drwat i pare pour aksepte gous.

Proverb 15:27

Sa enn ki tay deryer larzan, i anmenn maler dan son fanmir. Me sa enn ki deteste pran gous ava viv lontan.

Proverb 17:23

Dimoun malonnet i aksepte gous anba latab, pour ki lalwa pa ganny aplike.

Proverb 17:8

En kado i parey en pyer presyez pour sa enn ki donnen; i krwar ki i pou ouver tou laport.

Proverb 19:4

Larises i ogmant lakantite zanmi. Me en pov i perdi son sel zanmi.

Eklezyas 7:7

Pouvwar i rann en saz fou; kado i fer perdi bon rezonnman.

Ezai 1:13

Aret anmenn bann lofrann i initil. Loder lansan i degoutan. Mon nepli kapab siport zot bann lafet nouvellin; bann saba e bann konvokasyon solannel ki melanze avek mesanste.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Ezai 5:22

Maler sa bann gran bwarer diven ki eksper dan melanz tou kalite labwason!

Ezai 5:23

Zot ki larg en koupab pour gous e refiz bann inosan zot drwa.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Oze 4:18

Zot in fini avek zot bwar; zot tonm dan prostitisyon; zot sef i prefer laont.

Amos 5:12

Mon konnen kantite pese ki zot in fer e tou sa kantite krim ki zot in komet. Zot persekit bann inosan; zot anpes bann pov rod zot drwa devan ziz.

Mise 7:3

Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

1 Samyel 12:3

La mon la. Akiz mwan devan SENYER e devan sa enn ki'n resevwar son lonksyon. Lekel ki mon'n pran son bef? Lekel ki mon'n pran son bourik? Lekel ki mon'n eksplwate? Lekel ki mon'n fer dimal? Lekel ki mon'n kraze? Avek lekel ki mon'n deza pran gous pour ferm mon lizye lo sa ki i'n fer. Dir mwan, e mon ava rann zot sa ki pour zot.”

1 Samyel 8:3

Bann garson Samyel pa ti swiv legzanp zot papa. Zot ti les zot ganny tante par larzan; zot ti aksepte gous, e pas fo zizman.