Egzod 23:31 - Labib An Kreol Seselwa

³¹ Mon pou etabli zot teritwar depi lanmer Rouz, ziska lanmer Mediterane e depi dezer, ziska larivyer Efrat. Mon pou delivre bann zabitan sa pei dan ou lanmen e ou ava fer zot sove devan ou.

Egzod 23:31 ပူးပေါင်းရင်းမြစ်များ

Zenez 15:18

Sa zour, SENYER ti fer son lalyans avek Abranm. I ti dir, “Mon pou donn ou desandans, sa pei antye, depi larivyer Lezip ziska gran larivyer Efrat.

1 Rwa 11:2

sa bann nasyon ki SENYER ti'n dir avek pep Izrael: Ou pa pou annan okenn relasyon avek zot, ni zot avek ou, akoz zot pou sertennman detourn ou leker, pour al kot zot bondye. Me Salomon ti atase avek zot par lanmour.

1 Rwa 20:13

En profet ti apros Akab, lerwa Izrael. I ti dir li, “Ou war sa gran larme? Mon pou livre zot dan ou lanmen ozordi, e ou ava konnen ki mwan menm SENYER.”

1 Rwa 4:21

Salomon ti gouvern tou bann rwayonm depi gran larivyer Efrat, pei Filisten, ziska frontyer Lezip. Lerwa sa bann rwayonm ti pey taks avek Salomon pandan tou zot lavi.

1 Rwa 4:24

Salomon ti domin lo rezyon Was antye, tou dilon larivyer Efrat, depi Tifsa, ziska Gaza e tou bann lerwa dan sa rezyon ti soumet avek li. I ti viv anpe avek tou son bann vwazen.

1 Rwa 8:65

Alor, Salomon ti profite pour selebre lafet avek pep Izrael antye ki ti'n rasanble, depi lantre Amat ziska larivyer Lezip. Zot ti fete pandan set zour devan SENYER Bondye.

2 Kronik 9:26

Salomon ti domin lo bann lerwa depi larivyer Efrat atraver pei Filisten, ziska frontyer Lezip.

Psonm 72:8

I pou gouvern depi en bout lanmer ziska lot, depi larivyer Efrat ziska dan bout later.

Nonm 21:34

SENYER ti dir Moiz: Pa bezwen per li. Mon'n livre li, son pep ek son pei dan ou lanmen. Ou ava tret li parey ou'n tret Sihonn, lerwa bann Amorit ki ti gouvern Hesbonn.

Nonm 34:2

Donn sa lord bann Izraelit: Kan zot ava antre dan pei Kanaan, later ki mon'n donn zot, la son bann balizaz ek son bann frontyer:

Deterononm 1:7

Repran zot semen e antre dan montanny kot bann Amorit e kot zot bann vwazen Kananeen, dan rezyon montanny Sepela, Negev ek rezyon lakot, dan pei bann Kananeen ek Liban, ziska gran larivyer Efrat.

Deterononm 1:8

La, mon met sa pei devan zot; ale e pran posesyon sa pei ki SENYER in promet zot bann zanset, Abrahanm, Izaak ek Zakob ek zot bann desandans apre zot.

Deterononm 11:24

Partou kot zot pou poz zot lipye ava vin pour zot: Zot teritwar pou al depi dezer ziska Liban e depi larivyer Efrat ziska lanmer Mediterane.

Deterononm 2:33

SENYER, nou Bondye ti livre li dan nou lanmen. Nou ti bat li avek tou son bann zanfan ek tou son pep.

Deterononm 2:36

Depi Aroer ki lo bor larivyer Arnon, ansanm avek sa lavil ki lo sa larivyer li menm, ziska Galaad, pa ti annan okenn sitadel tro o pour nou. SENYER, nou Bondye ti donn nou tou.

Deterononm 20:16

Me konsernan bann lavil sa bann pep ki SENYER, ou Bondye pou donn ou koman patrimwann, ou pa pou les viv nanryen ki respire.

Deterononm 3:2

SENYER ti dir mwan: Pa per li. Mon'n livre li dan ou lanmen avek son pep ek son pei. Tret li parey ou ti fer avek Sihonn, lerwa bann Amorit ki ti renny Hesbonn.

Deterononm 6:19

SENYER pou sas lwen, tou zot bann lennmi, parey in promet.

Deterononm 9:3

Ozordi, rekonnet ki SENYER, ou Bondye i sa enn ki pe travers larivyer Zourden devan ou parey en dife ki bril tou. I pou detri zot e imilye zot devan ou. Konmsa, ou ava kapab pran tou sa ki zot annan e detri zot vitman, parey SENYER ti promet ou.

Zozye 1:4

Zot frontyer pou pran depi dezer, dan Sid ziska Liban dan Nor, e al ziska gran larivyer Efrat, tou pei bann Hitit, ziska lanmer Mediterane dan Was.

Zozye 10:19

Me zot, pa reste la. Kontinyen pourswiv zot bann lennmi, atak zot aryergard e anpes zot antre dan zot lavil, akoz SENYER, zot Bondye in livre zot dan zot lanmen.”

Zozye 10:8

SENYER ti dir Zozye, “Pa per zot, mon'n livre zot dan ou lanmen. Personn pa pou kapab tenir devan ou.”

Zozye 13:6

tou bann zabitan dan montanny, depi Liban ziska Misrefot-Maim, tou bann Sidonit. Mon pou sas tou sa bann pep anmezir ki pep Izrael pou vin dir mwan. Partaz pei zis par tiraz osor, avek Izrael, parey mon'n ordonn ou.

Zozye 2:24

Zot ti dir Zozye, “Nou asire ki SENYER in donn nou sa pei. Tou bann zabitan pe tranble devan nou.”

Zozye 21:44

SENYER ti garanti zot lape lo tou bann frontyer, parey i ti'n promet zot bann zanset. SENYER ti'n livre tou zot bann lennmi dan zot lanmen; personn pa ti kapab reziste zot.

Zozye 23:14

“Mwan, ozordi mon pe ale parey sor tou dimoun. Zot konnen, avek tou zot leker, avek tou zot et antye, ki okenn sa bann parol ki SENYER, zot Bondye ti prononse lo zot size pa'n reste san ganny akonpli; tou in realize lo zot; napa enn ki pa'n akonpli.

Zozye 24:11

Zot ti travers larivyer Zourden e zot ti ariv Zeriko. Bann zabitan Zeriko ti fer lager kont zot, ensi ki bann Amorit, bann Perizit, bann Kananeen, bann Hitit, bann Girgasit, bann Hivit, ek bann Zebizit. Mon ti livre zot tou dan zot lanmen.

Zozye 24:12

Mon ti anvoy mous zonn devan zot, ki ti fer zot fannen sa de lerwa Amorit; pa avek zot lepe, ni avek zot bann fles ki zot ti fer li.

Zozye 24:18

SENYER ki ti sas devan nou tou bann pep: Bann Amorit ki ti reste dan sa pei. Alor, nou osi, nou pou servi SENYER, akoz SENYER ki nou Bondye.”

Zozye 24:8

Alor, mon ti anmenn zot dan pei bann Amorit, ki ti pe reste dan Les larivyer Zourden; sa bann Amorit ti atak zot. Mon ti livre zot dan zot lanmen, e zot ti pran zot pei, e mon ti detri sa bann Amorit devan zot.

Zozye 8:18

Alor, SENYER ti dir Zozye, “Lev ou zarm ki dan ou lanmen dan direksyon Ai, akoz mon pe al livre ou sa lavil.” Zozye ti pwent son zarm ki ti dan son lanmen, dan direksyon Ai.

Zozye 8:7

zot ava sorti dan zot landrwa kasyet e pran lavil, akoz SENYER, zot Bondye in livre li dan zot lanmen.

Zozye 9:7

Me bann Izraelit ti reponn sa bann Hivit, “Petet zot reste parmi nou. Dan sa ka, ki mannyer nou kapab fer en lalyans avek zot?”

Ziz 1:4

Bann zonm Zida ti monte pour atake e SENYER ti livre bann kananeen ek bann Perizit dan zot lanmen. Zot ti ganny laviktwar dan lavil Bezek: Ti annan an tou 10,000 zonm.

Ziz 11:21

SENYER, Bondye Izrael ti livre Sionn ek tou son pep dan lanmen bann Izraelit. Izrael ti ranport laviktwar e

1 Samyel 23:4

David ti konsilte SENYER ankor en fwa. SENYER ti dir li, “Desann Keila, akoz mon pou livre bann Filisten dan ou lanmen.”