Egzod 23:22 - Labib An Kreol Seselwa

²² Si ou ekout li fidelman, si ou fer tou sa ki mon dir, alor, mon pou vin en lennmi pour ou bann lennmi e en ladverser pour ou bann ladverser.

Egzod 23:22 ပူးပေါင်းရင်းမြစ်များ

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Psonm 35:1

SENYER! Akiz sa bann ki akiz mwan. Atak sa bann ki atak mwan.

Egzod 15:16

Lafreyer ek laper in tonm lo zot. Par lafors ou lebra, zot perdi laparol, parey en ros, ziska ki ou pep SENYER, in fini pase, ziska ki sa pep SENYER, ki ou'n sove, in fini pase.

Zeremi 30:20

Sityasyon bann desandan ava parey i ti ete avan; Lakominote ava rasanble devan mwan. Mon pou pini sa bann ki oule kraz zot.

Zakari 2:8

La sa ki SENYER liniver i deklare konsernan bann nasyon ki'n depouy ou: Sa enn ki tous ou, pou ganny zafer avek mwan.

Nonm 24:8

Bondye in fer zot sorti Lezip; i annan lafors en toro sovaz. I ti devor bann nasyon lennmi; kraz zot lezo e atak zot avek bann fles.

Nonm 24:9

I alonze ater parey en lyon; i dormi parey en femel lyon. Lekel ki kapab fer li leve? Sa enn ki beni li ava ganny beni; sa enn ki modi li ava ganny modi.

Deterononm 28:1

Si ou obei SENYER, ou Bondye, si ou obzerv fidelman tou son bann komannman ki mon pe al ordonn ou ozordi, SENYER, ou Bondye ava fer ou pli gran ki tou bann nasyon ki lo later.

Deterononm 30:7

SENYER, ou Bondye ava anvoy tou sa bann malediksyon lo ou bann lennmi e lo bann ki'n fer ou soufer,

2 Tesalonisyen 1:6

Annefe, Bondye i zis. I pou fer soufer bann ki'n fer zot soufer.

Zozye 9:7

Me bann Izraelit ti reponn sa bann Hivit, “Petet zot reste parmi nou. Dan sa ka, ki mannyer nou kapab fer en lalyans avek zot?”