Egzod 23:21 - Labib An Kreol Seselwa

²¹ Fer sir ou obeir li. Pa revolte kont li, akoz i pa pou pardonn ou bann fot. Annefe, i vin lo mon non.

Egzod 23:21 ပူးပေါင်းရင်းမြစ်များ

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Psonm 72:19

Beni son non glorye pour touzour! Son laglwar i ranpli later! Amenn! Amenn!

Psonm 78:40

Souvan dan dezer, zot ti rebel kont li. Souvan zot ti ofans li dan dezer.

Psonm 78:56

Me zot ti teste Bondye Treo e rebel kont li; zot pa ti obei son bann komannman.

Psonm 83:18

Konmsa, zot ava konnen ki ou menm sel SENYER, Bondye Treo, lo later antye.

Egzod 3:14

Bondye ti dir Moiz, “Mwan menm Sa Enn ki la depi touzour. Dir bann Izraelit: Sa Enn ki egziste depi touzour in anvoy mwan kot zot.”

Egzod 32:34

Aprezan, ale! Al diriz mon pep dan sa landrwa ki mon'n dir ou. Mon lanz pour al par devan. Me zour mon pou entervenir, mon pou pini zot pour zot pese.”

Egzod 6:3

Mon ti aparet avek Abrahanm, Izaak ek Zakob koman Bondye Toupwisan, me mon pa ti fer zot konn mwan par mon non: SENYER.

Ezai 42:8

Mwan menm SENYER, sa i mon non. Mon pa les personn pran mon laglwar, ni les bann zidol pran loner ki pour mwan.

Ezai 45:6

pour ki, depi kot soley i leve, ziska kot i kouse, tou dimoun ava konnen ki apard mwan, napa en lot. Zis mwan ki SENYER e napa en lot.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.

Ezai 7:14

Alor, SENYER li menm pou donn zot en siny: En zenn fiy i ansent e i pou met omonn en garson. I pou apel li Emanouel. Savedir: Bondye avek nou.

Ezai 9:5

Akoz tou bann bogi lennmi ki ti fer tranble later, tou bann liniform ki'n tase avek disan, in ganny servi pour fer en gran dife avek.

Ezai 9:6

En zanfan in ne pour nou; nou'n ganny en garson. Lotorite i repoz lo son zepol. Zot apel li: Konseye merveye, Bondye pwisan, Papa eternel, Prens Lape.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Zeremi 5:7

Akfer mon bezwen pardonn pese mon pep? Zot in abandonn mwan, zot in al ador bann fo bondye. Mon'n nouri mon pep ziska zot rasazye. Me zot in komet adilter; zot al pas zot letan kot bann prostitye.

Malasi 3:1

La, mon anvoy mon mesaze. I pou prepar semen devan mwan. En sel kou, SENYER ki zot pe espere, pou vini, e i pou antre dan son tanp. Mesaze pou proklanm mon lalyans, SENYER liniver ki deklare.

Nonm 14:11

SENYER ti dir Moiz, “Pour konbyen letan ankor sa pep pou rezet mwan? Pour konbyen letan ankor zot pou refize krwar dan mwan, malgre tou sa bann siny ki mon'n fer parmi zot?

Nonm 14:35

Mwan SENYER, mon promet ki mon pou fer sa ki mon'n dir avek sa move kominote ki'n revolte kont mwan. Zot tou, zot pou tonbe e mor isi dan sa dezer.

Matye 1:23

En zenn fiy vyerz pou tonm ansent; i pou donn nesans en garson, e zot pou apel li Emanouel, savedir, Bondye i avek nou.

Matye 17:5

Letan Pyer ti pe koze, en nyaz klate ti kouver zot, e en lavwa sorti dan nyaz ti dir: Sa i mon Garson byenneme dan ki mon'n met tou mon lazwa. Ekout li!

Levanzil dapre Zan 10:30

Mwan ek mon Papa nou en sel.”

Levanzil dapre Zan 10:38

Me si mon pe fer travay mon Papa, menm si zot pa krwar mwan, krwar omwen dan bann travay ki mon fer. Konmsa, zot ava rekonnet en fwa pour tou, ki mon Papa i dan mwan e mwan, mon dan mon Papa.”

Levanzil dapre Zan 5:23

pour ki tou dimoun i onor son Garson parey zot onor li. Sa enn ki pa onor son Garson, i pa onor son Papa ki'n anvoy li.

Efezyen 4:30

Pa rann tris Lespri Sen ki Bondye in donn nou. Li menm garanti ki zour kan Bondye ava vin delivre nou konpletman pou vini.

Deterononm 18:19

Sa enn ki pa ekout parol ki sa profet ava dir dan mon non, mwan menm ki pou demann li rann kont.

Deterononm 9:7

Fodre rapel e pa oubliye ki mannyer ou ti provok SENYER, ou Bondye dan dezer e ki ou ti fer li ankoler. Depi zour ou ti sorti Lezip, ziska ou ti ariv isi, ou ti revolte kont SENYER.

Kolosyen 2:9

Annefe, Kris i posed dan son lekor, tou natir konplet Bondye.

Ebre 12:25

Alor, veye ki zot pa refize ekout sa enn ki pe koz avek zot. Bann ki ti refize ekout sa enn ki ti delivre zot lavertisman lo later, pa ti sap pinisyon. I annan plis rezon pour krwar ki nou pa pou kapab sap pinisyon, si nou rezet sa enn ki anons mesaz sorti dan lesyel.

Ebre 3:16

Lekel sa bann ki ti tande e pourtan ti revolte kont li? Pa tou sa bann ki ti sorti Lezip anba direksyon Moiz?

Zozye 24:19

Zozye ti dir lepep, “Zot pa pou kapab servi SENYER, akoz i en Bondye sen; en Bondye ki zalou avek pasyon; i pa pou pardonn zot, zot bann revolt e zot bann pese.

1 Zan 5:16

Si en dimoun i war son frer pe komet en pese ki pa anmenn lanmor, fodre ki i priye, e Bondye ava donn li lavi. Mon pe koz lo bann pese ki pa anmenn lanmor. I annan pese ki anmenn lanmor; pa pour en tel pese ki mon pe dir zot priye.

Revelasyon 1:8

La sa ki Senyer Bondye i deklare: Mwan menm Alfa ek Omega, sa enn ki egziste, ki ti egziste e ki pe vini, Bondye Toupwisan.

Revelasyon 2:23

Mon pou osi met anmor tou son bann zanfan. Alor, tou bann Legliz ava konnen ki mon konn tou mazinasyon ek dezir zonm. Mon pou tret sakenn zot dapre sa ki zot i'n fer.

Revelasyon 2:8

Ekri Lanz Legliz dan Smirn: La sa ki Premye e Dernyen, sa enn ki ti'n mor e ki'n retourn vivan i deklare:

Revelasyon 3:7

Ekri Lanz Legliz dan Filadelfi: La sa ki sa enn ki Sen e Vre i deklare; sa enn ki posed lakle David, ki ouver e personn pa kapab fermen, ki fermen e personn pa kapab ouver:

Ziz 13:18

Mesaze SENYER ti reponn li, “Akoz ou demann mwan mon non? I en non etonan.”