Egzod 23:19 - Labib An Kreol Seselwa

¹⁹ Ou ava anmenn premye fri ou plantasyon kot mwan, SENYER ou Bondye. Ou pa pou kwi en pti kabri dan dile son manman.

Egzod 23:19 ပူးပေါင်းရင်းမြစ်များ

Nehemi 10:35

Nou ti promet pour anmenn dan tanp, sak lannen, tou bann premye prodwi nou later ek nou bann pye fri.

Nehemi 10:36

Nou ti osi promet pour anmenn dan tanp nou Bondye e prezant avek bann pret ki servi dan tanp nou Bondye, bann premye ne parmi nou bann garson, nou bann zannimo: Bann premye ne parmi nou bann bef, mouton ek kabri, parey in ekri dan lalwa.

Egzod 22:28

Ou pa pou ensilte Bondye, ni maltret en dirizan ou pep.

Egzod 22:29

Fodre pa gard avek ou lofrann fri oubyen rekolt ek prodwi ou plantasyon rezen. Ou ava donn mwan premye ne parmi ou bann garson.

Egzod 34:26

Ou ava anmenn premye fri larekolt dan demer SENYER, ou Bondye. Ou pa pou kwi en pti kabri dan dile son manman.

Proverb 12:10

Sa enn ki zis i pran swen son bann zannimo; me en malfeter i kriyel san okenn pitye.

Proverb 3:9

Rann glwar SENYER avek sa ki ou annan, e avek premye fri tou ou bann rekolt.

Zeremi 10:3

Koutim sa bann nasyon napa valer. Zot koup en pye dibwa dan lafore; e en artizan i travay li avek en sizo.

Ezekyel 44:30

Bann pret i devre ganny tou premye parti rekolt ek tou lofrann ki ganny konsakre pour mwan. Zot ava osi donn bann pret premye parti lapat ki fer dipen, pour ki mon beni zot fanmir.

Ezekyel 48:13

Par bann levit pou parey par bann pret. Tou le de pou mezir 12 kilomet edmi longer, depi Les ziska Was, e senk kilomet larzer, Nor ziska Sid.

Ezekyel 48:14

Sa morso later pli enportan, i sakre pour SENYER; personn pa pou kapab ni vann, ni fer lesanz, ni transfer.

Nonm 15:21

Atraver tou ou bann zenerasyon ki swiv, tou premye lapat devret ganny ofer pour SENYER.

1 Korentyen 15:20

Me Kris in resisite. I premye ki'n resisite parmi bann mor.

Deterononm 14:21

Ou pa pou manz okenn zannimo mor; ou ava donn bann etranze ki reste dan ou lavil, pour manze; ou ava osi kapab vann zot avek en etranze. Me ou, ou en pep sen pour SENYER, ou Bondye. Ou pa pou kwi en pti kabri dan dile son manman.

Deterononm 26:10

Alor, ozordi mon pe anmenn bann premye fri sa later ki ou SENYER in donn mwan. Ou ava depoz sa korbey devan SENYER, ou Bondye e prostern devan SENYER, ou Bondye.

Deterononm 26:2

ou ava pran en pe bann premye fri ki later in prodwir, ki ou'n rekolte dan sa later ki SENYER, ou Bondye pou donn ou. Ou ava met sa bann fri dan en korbey. Ou ava al la kot SENYER, ou Bondye ava swazir koman en landrwa pour li reste.

Revelasyon 14:4

Se sa bann ki pa'n sali zot avek bann fanm akoz zot ankor vyerz. Zot swiv Zenn Mouton partou kot i ale. Zot in ganny reaste parmi bann zonm pour ganny ofer koman bann premye fri devan Bondye e devan Zenn Mouton.