Egzod 23:12 - Labib An Kreol Seselwa

¹² Pandan sis zour ou ava fer ou travay. Me setyenm zour, ou devre repoze pour ki ou bef ek ou bourik i kapab repoze e ki zanfan ou bann lesklav ek bann etranze parmi zot ava kapab repoze.

Egzod 23:12 ပူးပေါင်းရင်းမြစ်များ

Nehemi 13:16

Ti osi annan bann Tiryen ki ti pe reste dan lavil, ki ti anmenn pwason ek toudsort marsandiz ki zot ti vann zour saba avek bann zabitan Zida dan Zerizalenm.

Egzod 16:23

ki ti dir zot, “SENYER in donn lord: Demen i saba, en zour repo konsakre pour SENYER. Zot ava kwi sa ki fodre kwi e bwi sa ki fodre bwi. Tou sa ki reste, gard li pour lannmen bomaten.”

Egzod 23:11

Me setyenm lannen, ou ava les ou later repoze. Bann pov parmi ou pep ava kapab ganny dekwa manze, e bann zannimo sovaz ava manz sa ki zot kite. Ou ava fer parey avek ou bann plantasyon rezen ek ou bann plantasyon zoliv.

Egzod 34:21

Pandan sis zour ou ava travay, me setyenm zour, ou ava repoze. Ou ava fer saba menm pandan letan ki ou labour later e pandan larekolt.

Egzod 35:2

Travay ava ganny fer pandan sis zour; me setyenm zour pou en zour sakre, en saba, en zour repo pour SENYER. Sa enn ki travay sa zour pou ganny touye.

Egzod 35:3

Zour saba, zot pa pou alim okenn dife kot zot reste.”

Ezai 58:3

Akfer nou fer en zenn si ou pa war nou? Akfer nou imilye nou, si ou pa pran ka? Zour zot fer en zenn, zot rod zot prop lentere e zot kraz tou zot bann travayer.

Levitik 23:3

Zot ava travay pandan sis zour. Me setyenm zour i saba, en zour repo konplet, en rasanbleman sakre. Zot pa pou travay sa zour; i en saba an loner SENYER partou kot zot ava pe reste.

Mark 2:27

Zezi ti azoute, “Saba ti ganny fer pour zonm, pa zonm pour saba.

Levanzil dapre Lik 13:14

Me sef sinagog ti ankoler akoz Zezi ti'n geri en malad zour saba. I ti dir avek lafoul, “I annan sis zour pour travay. Vin rod gerizon pandan sa bann zour, me pa zour saba.”