Egzod 22:4 - Labib An Kreol Seselwa

⁴ Me si sa i ariv lizour, alor i ava ganny konsidere koman en krim.

Egzod 22:4 ပူးပေါင်းရင်းမြစ်များ

Egzod 21:16

Sa enn ki vol en dimoun, ki i vann li, oubyen i gard li dan son posesyon, sa zonm ava ganny touye.

Egzod 22:1

Si en zonm i vol en toro oubyen en mouton, e touy li oubyen vann li, i ava pey an konpansasyon, senk toro pour en toro e kat mouton pour en mouton. Si i pa kapab, i ava ganny vann pour son vol.

Egzod 22:5

Si en zonm i anmenn son troupo manz dan laplenn oubyen dan son plantasyon rezen, si i les bann zannimo al manz dan plantasyon en lot dimoun, i ava pey an konpansasyon, meyer prodwi son prop plantasyon, ek son prop plantasyon rezen.

Egzod 22:7

Si en dimoun i donn son prosen larzan, oubyen bann lobze pour li garde, e sa bann lobze i ganny vole dan son lakaz; si sa voler i ganny atrape, i ava pey doub sa ki i'n vole.

Egzod 22:9

Pour tou bann zafer malonnet konsernan bef, bourik, mouton, lenz oubyen nenport lobze perdi, kot enn i ganny akize, sa de parti ava prezant zot devan Bondye. Sa enn ki Bondye i deklar koupab, i ava pey son prosen doub.

Proverb 6:31

Me si i ganny atrape, i pou bezwen pey set fwa plis; i pou perdi tou sa ki i annan se li.

Ezai 40:2

Avek tandres, koz avek Zerizalenm! Fer li konnen ki son letan lesklavaz in fini; ki son pese in ganny pardonnen; ki SENYER li menm in fer li pey doub pour tou son bann fot.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Levitik 6:5

oubyen konsernan nenport keksoz lo ki i'n fer en fo serman. I devre rann tou e azout avek, en senkyenm son valer. Ler i ava rann kont son fot, i devre rann sa lobze son propriyeter.

Revelasyon 18:6

Tret li parey i'n tret ou, e pey li doub pour son bann aksyon. Dan lakoup kot in mel son bann diven, double sa ki i ti'n prepare.

1 Samyel 12:5

I ti dir zot ankor, “SENYER i temwen kont zot e sa enn ki'n ganny lonksyon i temwen ozordi, ki zot pa'n war nanryen dan mon lanmen.” Lepep ti dir: Wi! Nou temwen.