Egzod 22:30 - Labib An Kreol Seselwa

³⁰ Ou ava fer parey avek ou bef ek ou mouton: Zot ava reste set zour avek zot manman, e wityenm zour, zot ava anmenn li pour mwan.

Egzod 22:30 ပူးပေါင်းရင်းမြစ်များ

Zenez 17:12

Ou ava sirkonsi tou mal ki annan wit zour parmi zot, atraver tou zenerasyon, menm sa lesklav ki'n ne dan ou lakaz, oubyen ki'n ganny aste avek en etranze, ki pa sorti dan ou desandans.

Egzod 13:12

ou ava met apar pour SENYER tou zanfan mal premye ne e tou premye porte parmi ou bann zannimo. Tou mal i pour SENYER

Ezekyel 4:14

Alor, mon ti reponn, “Senyer BONDYE! Depi mon lazenes ziska ozordi, mon pa'n zanmen manz lavyann zannimo mor natirelman, oubyen desire par zannimo sovaz. Okenn lavyann enpir pa'n zanmen antre dan mon labous.”

Levitik 11:44

Mwan menm SENYER zot Bondye. Alor, zot devre sen, akoz mwan mon sen. Pa rann zot enpir avek tou sa bann pti bebet ki ranpli later.

Levitik 11:45

Mwan menm SENYER ki ti fer zot monte sorti Lezip, pour ki mon vin zot Bondye. Zot ava sen akoz mwan, mon sen.

Levitik 12:3

Wityenm zour, sa garson ava ganny sirkonsi.

Levitik 17:15

En Izraelit oubyen en etranze ki'n manz en zannimo ki'n mor natirelman, oubyen ki'n ganny desire par en zannimo sovaz, ava lav son lenz e benny dan delo. I ava reste enpir ziska aswar; apre i ava vin pir.

Levitik 22:27

Apre nesans en zenn bef oubyen en mouton, oubyen en kabri, i ava reste set zour avek son manman. Apartir wityenm zour, i ava kapab ganny prezante koman en lofrann brile pour SENYER.

Levitik 22:8

I pa devre manz zannimo ki'n mor, ni sa ki'n ganny desire par bebet sovaz; sa i ava rann li enpir. Mwan menm SENYER.

Levitik 7:23

Dir avek pep Izrael: Zot pa devre manz okenn lagres; ni lagres bef, mouton, oubyen kabri.

Levitik 7:24

Lagres en zannimo mor, oubyen ki'n ganny desire par bann zannimo sovaz, ava kapab ganny servi pour nenport lot lizaz, me fodre pa zot manze.

Levitik 7:26

Partou kot ou ava pe reste, ou pa devre manz okenn disan, ni disan zwazo, ni disan zannimo.

Deterononm 14:21

Ou pa pou manz okenn zannimo mor; ou ava donn bann etranze ki reste dan ou lavil, pour manze; ou ava osi kapab vann zot avek en etranze. Me ou, ou en pep sen pour SENYER, ou Bondye. Ou pa pou kwi en pti kabri dan dile son manman.

Deterononm 15:19

Ou ava konsakre pour SENYER, ou Bondye, tou zannimo mal premye ne parmi ou bann bef, mouton ek kabri. Parmi ou bann bef, ou pa pou fer son premye ne travay; ou pa pou koup lalenn premye ne parmi ou bann mouton.