Egzod 22:25 - Labib An Kreol Seselwa

²⁵ Si ou pret larzan en pov parmi mon pep, pa fer parey lezot dimoun ki pret larzan: Pa demann li okenn lentere.

Egzod 22:25 ပူးပေါင်းရင်းမြစ်များ

2 Rwa 4:1

Fanm enn bann profet ti sipliy Elize, “Ou serviter, mon mari in mor, e ou konnen ki i ti annan gran respe pour SENYER. Me en zonm ki'n pret nou larzan in vini pour pran mon de garson pour fer zot son lesklav.”

2 Rwa 4:7

I ti al rakont sa avek profet Bondye ki ti dir, “Ale, vann sa delwil e pey ou det; ou, avek ou bann garson, zot ava kapab viv lo sa ki reste.”

Nehemi 5:7

Apre refleksyon, mon ti deside pour port plent kont bann sef ek bann zofisye. Mon ti dir zot, “Zot pe pret avek lentere avek zot bann frer!” Mon ti konvok zot tou dan en gran lasanble.

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Proverb 28:8

Si en dimoun i vin ris, par pret larzan avek gro lentere, son larises pou al pour sa enn ki bon anver bann pov.

Zeremi 15:10

Mon en zonm malere! Akfer mon manman ti met mwan omonn? Tou dimoun dan pei, i kont mwan e zot dispit avek mwan. Pourtan, mon pa'n pret larzan personn, e mon pa'n demann personn pret mwan larzan. Me tou dimoun pe modi mwan.

Ezekyel 18:13

i pret son larzan avek lentere e fer profi; eski i pou viv? I pa pou viv. In komet tou sa bann pratik degoutan. Alor, i pou sertennman mor e i ava li menm responsab son lanmor.

Ezekyel 18:17

I evit bann move pratik; i pa pret son larzan avek lentere, ni egziz en profi lo la. I obei mon lalwa e swiv mon bann regleman avek fidelite. I pa pou mor akoz fot son papa, me i pou sirman viv.

Ezekyel 18:7

I pa abiz lo lezot, me i rann sa ki en dimoun in met angaz pour en det. I pa tronp lezot. I donn manze sa enn ki lafen e lenz sa enn ki touni.

Ezekyel 18:8

I pa pret son larzan avek lentere; ni egziz en profi lo la. I evit bann move pratik e i donn en bon zizman dapre lazistis.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Amos 2:8

Kot bann lotel, zot dormi lo bann lenz ki zot in pran koman gaz avek bann malere. Dan tanp zot bondye, zot bwar diven ki zot in konfiske avek dimoun.

Matye 25:27

Akoz ou pa ti met mon larzan dan labank? Konmsa, kan mon ti ava retournen, mon ti ava ganny mon larzan avek lentere.

Levanzil dapre Lik 19:23

Alor, akoz ou pa ti met mon larzan dan en labank? Konmsa, kan mon ti ava retournen, mon ti ava ganny sa larzan avek son lentere?”

Deterononm 15:7

Si kot ou, i annan en dimoun ki dan bezwen, en manm ou kominote dan nenport lekel lavil dan sa pei ki SENYER, ou Bondye pou donn ou, pa ferm ou leker, ni ou lanmen devan ou prosen ki dan bezwen.

Deterononm 24:13

Ou ava rann li sa lobze ler soley i kouse. Konmsa i ava kapab dormi dan son lenz e i ava beni ou. Sa i ava en bonn aksyon devan SENYER, ou Bondye.