Egzod 22:18 - Labib An Kreol Seselwa

¹⁸ Ou pa pou permet en sorsye viv.

Egzod 22:18 ပူးပေါင်းရင်းမြစ်များ

Ezai 19:3

Bann Ezipsyen pou perdi lespri e dekouraze. Mon pou met dezord dan zot plan. Zot pou konsilte bann zidol, bann mazisyen, bann sorsye ek bann deviner.

Zeremi 27:10

Annefe, tou sa ki zot anons ou koman profesi, i en bann mansonz. Si ou ekout zot, mon pou fer ou ganny deporte, mon pou anvoy ou lwen ek ou pei e ou pou disparet konpletman.

Zeremi 27:9

Zot pa bezwen ekout zot bann profet ni sa bann ki predir lavenir, ni zot prop rev, oubyen envok lespri dimoun mor, ni fer mazi. Zot tou, zot pe dir ou: Ou pa pou tonm anba pouvwar lerwa Babilonn.

Levitik 18:23

Ou pa pou ganny relasyon seksyel avek okenn zannimo. Sa i ava rann ou enpir parey li. En fanm osi pa devre ganny relasyon seksyel avek en zannimo. Sa i en aksyon degoutan.

Levitik 19:26

Pa manz okenn lavyann avek son disan. Pa pratik mazik, ni devinen.

Levitik 19:31

Pa konsilte bann lespri dimoun mor, ni bann lespri divinasyon; pa al rod zot, akoz zot ava rann ou enpir. Mwan menm SENYER zot Bondye.

Levitik 20:27

En zonm oubyen en fanm ki envok en medyonm oubyen lespri dimoun mor ava ganny touye; i ava ganny saboule avek ros. I ava responsab son prop lanmor.

Levitik 20:6

Sa enn ki al konsilte bann medyonm ek lespri dimoun mor pour li prostitye son lekor, mon pou tourn kont li e sas li parmi lepep.

Akt de Zapot 19:19

En kantite ki ti pratik mazik, ti anmenn zot bann liv e brile devan tou dimoun. Zot ti estim valer tou sa bann liv 50,000 pyes larzan.

Galat 5:20

ladorasyon zidol, siperstisyon, laenn, diskord, zalouzi, lakoler, egoism, divizyon,

Deterononm 27:21

Malediksyon lo sa enn ki dormi avek en zannimo. Lepep ava dir: Amenn!

Revelasyon 22:15

Me deor i annan tou bann dimoun degoutan, bann sorsye, bann prostitye, bann kriminel, tou bann adorater zidol, ek tou bann ki kontan e pratik mansonz!

1 Samyel 28:3

Samyel ti'n mor, e pep Izrael antye ti plere, e zot ti'n anter li dan son lavil Rama. Sail ti'n fer disparet tou bann deviner ek bann ki envok lespri.

1 Samyel 28:9

Sa fanm ti dir li, “Sirman ou konnen sa ki Sail in fer. I'n fer disparet tou bann ki envok bann lespri bann mor dan sa pei. Akoz ou oule met mwan dan en latrap e koz mon lanmor.”