Egzod 22:17 - Labib An Kreol Seselwa

¹⁷ Si papa sa fiy i refize les son fiy marye, alor sa zonm ki'n sedwir sa vyerz, ava pey lekivalan annarzan, kado ki ganny peye pour kapab marye avek en fiy vyerz.

Egzod 22:17 ပူးပေါင်းရင်းမြစ်များ

Zenez 23:16

Abrahanm ti tonm dakor avek Efronn. I ti pez lakantite larzan ki Efronn ti'n mansyonnen devan bann Hitit: 400 pyes larzan dapre mezir ki bann marsan i servi.

Zenez 30:20

Lea ti dir, “Bondye in donn mwan en zoli kado. Aprezan, mon mari pou annan respe pour mwan, akoz mon'n donn li sis garson.” I ti apel li Zabilon, savedir, Loner.

Zenez 34:12

Demann mwan nenport kado maryaz e mon ava donnen. Zis les mwan marye avek Dina.”

Levitik 20:6

Sa enn ki al konsilte bann medyonm ek lespri dimoun mor pour li prostitye son lekor, mon pou tourn kont li e sas li parmi lepep.

Deterononm 18:10

Personn parmi zot pa devre ofer son garson, oubyen son fiy an sakrifis, ni fer divinasyon, ni predir lavenir, ni pratik mazik, ni fer sorsye,

Deterononm 22:29

sa zonm ki'n dormi avek li ava pey papa sa zenn fiy 50 pyes larzan e sa fiy ava vin son fanm. Annefe, sa zonm in vyol li e i pa pou kapab divors li tan ki i vivan.

1 Samyel 18:25

Sail ti dir, “Dir David lerwa pa oule okenn kado maryaz, me anmenn laprev sirkonsizyon 100 Filisten konmkwa in vanz son bann lennmi.” Sail ti mazinen ki bann Filisten ti pou touy David.

1 Samyel 28:3

Samyel ti'n mor, e pep Izrael antye ti plere, e zot ti'n anter li dan son lavil Rama. Sail ti'n fer disparet tou bann deviner ek bann ki envok lespri.