Egzod 22:10 - Labib An Kreol Seselwa

¹⁰ Si en dimoun i donn son vwazen en bourik, en mouton, oubyen nenport zannimo, e sa zannimo i mor oubyen i ganny aksidan, oubyen i ganny vole san ki personn i war,

Egzod 22:10 ပူးပေါင်းရင်းမြစ်များ

Zenez 39:8

Me i ti refize e i ti dir fanm son met, “Mon met pa okip nanryen dan lakaz e in konfye mwan tou sa ki i posede.

Egzod 22:11

sa zafer ant sa de parti ava ganny deside par en serman devan SENYER. Sa zonm ava deklare ki i pa'n vole. Propriyeter sa zannimo ava aksepte sa serman e lot pa pou annan okenn konpansasyon pour peye.

Egzod 22:9

Pour tou bann zafer malonnet konsernan bef, bourik, mouton, lenz oubyen nenport lobze perdi, kot enn i ganny akize, sa de parti ava prezant zot devan Bondye. Sa enn ki Bondye i deklar koupab, i ava pey son prosen doub.

Levanzil dapre Lik 12:48

Tandis ki sa enn ki pa ti konnen, e ki'n fer keksoz ki merit ganny pini, li, i pou ganny bate bokou mwens. Annefe, sa enn ki resevwar bokou, pou bezwen rann kont bokou. Sa enn ki'n ganny konfye bokou, pou bezwen rann kont ankor plis.”

Levanzil dapre Lik 16:11

Alor, si ou pa'n onnet dan sa ki konsern byen malaki, lekel ki pou konfye ou bann vre larises?

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.