Egzod 21:26 - Labib An Kreol Seselwa

²⁶ Si en zonm i tap son lesklav, zonm oubyen fanm, dan lizye, e sa lesklav i perdi son lizye, i ava rann li son laliberte an konpansasyon pour son lizye.

Egzod 21:26 ပူးပေါင်းရင်းမြစ်များ

Nehemi 5:5

Pourtan, nou tou nou imen e nou menm ras; nou zanfan i parey zot zanfan. Sepandan, nou pe fors nou bann garson ek nou bann fiy pour vin lesklav, e plizyer nou bann fiy i deza dan lesklavaz; nou napa okenn resours akoz nou bann plantasyon i dan lanmen lezot dimoun.

Psonm 10:14

Me ou war tou sa ki pe pase: Ou war zot soufrans ek zot lapenn. Ou fer sir ki tou i dan ou lanmen. Malere i met son konfyans dan ou e se ou ki vin osekour bann orfelen.

Psonm 10:18

pour ou etabli lazistis an faver bann orfelen ek sa enn ki ganny kraze. Konmsa, personn lo later pa pou kapab senm lafreyer ankor.

Psonm 9:12

Bondye pa oubliy lapenn bann malere. I vanz sa enn ki fer krim.

Egzod 21:20

Si en zonm i tap son lesklav, zonm oubyen fanm, avek en baton e touy li, i ava ganny vanze.

Egzod 21:24

en lizye pour en lizye, en ledan pour en ledan, en lanmen pour en lanmen, en lipye pour en lipye,

Egzod 21:25

en brile pour en brile, en kou pour en kou, en bate pour en bate.

Egzod 21:27

Si i kas ledan son lesklav, zonm oubyen fanm, i ava rann li son laliberte an konpansasyon pour son ledan.

Efezyen 6:9

Zot, bann met! Fer parey. Tret byen zot bann serviter e aret fer bann menas. Mazinen ki zot menm, ansanm avek zot bann serviter, zot annan en menm Met ki dan lesyel, ki pa fer okenn preferans.

Deterononm 16:19

Ou pa devre fos lazistis; ou pa devre ziz dapre laparans. Ou pa devre aksepte gous, akoz gous i bous lizye en saz e i fos desizyon en zonm zis.

Kolosyen 4:1

Bann met! Tret zot serviter dan en fason drwat e zis. Rapel zot ki zot osi, zot annan en Met dan lesyel.