Egzod 20:7 - Labib An Kreol Seselwa

⁷ Ou pa pou pronons non SENYER ou Bondye an bonnavini. Annefe SENYER pa pou pardonn sa enn ki pronons son non an bonnavini.

Egzod 20:7 ပူးပေါင်းရင်းမြစ်များ

Zenez 27:20

Me Izaak ti dir son garson, “Ki mannyer ou'n ganny li sitan vit, mon garson?” I ti reponn, “SENYER, ou Bondye, in met enn devan mwan.”

1 Rwa 2:9

Aprezan, ou ki en zonm saz, ou konnen ki i pa inosan; ou menm gete ki fodre fer avek li. Ou ava fer sir, ki menm si son latet i blan, i desann dan latonm.

2 Rwa 5:20

Gehazi, serviter Elize ti dir dan son leker: Mon met in les sape Naaman sa Siriyen; i'n refize eksepte sa ki i ti'n anmenn pour li. Par non SENYER ki vivan, mon pou tay deryer li pour ganny keksoz avek li.

Psonm 139:20

Ou bann lennmi pe servi ou non pour tronpe; zot pronons ou non pour fer dimal.

Proverb 30:9

Annefe, si mon vin tro ris, mon riske trai ou e dir: Lekel li SENYER? E si mon vin tro pov, mon kapab vin en voler. Alor, mon pou nepli annan respe pour non Bondye.

Zeremi 34:16

Me alor, zot pa'n gard zot parol e zot in dezonor mon non: Sakenn parmi zot in repran son lesklav; zonm koman fanm, ki zot ti'n libere. Zot in ganny forse travay ankor koman lesklav.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Ezekyel 39:7

Mon pou fer konn mon non sen parmi mon pep, Izrael. Mon pa pou les mon non ganny profannen ankor. Tou bann nasyon pou konnen ki mwan menm SENYER, sa enn ki sen dan Izrael.

Levitik 19:12

Ou pa devre fer fo serman an servan mon non; ou ava pe dezonor non ou Bondye. Mwan menm SENYER.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

2 Korentyen 1:23

Lo mon kote, mon pran Bondye koman temwen lo mon lavi: Se pour eparny zot ki mon ti deside pa retourn Korent.

Deterononm 10:20

Zot ava annan respe pour SENYER, zot Bondye; zot ava ador zis li. Reste atase avek li, e zot ava fer serman lo son non.

Deterononm 5:11

Ou pa pou pronons non SENYER, ou Bondye anven, akoz SENYER pa pou pardonn personn ki servi son non anven.

Deterononm 6:13

Ou ava annan respe pour SENYER, ou Bondye e ou ava servi li; ou ava pret serman zis lo son non.

Let Zak 5:12

Me avan tou, mon bann frer! Pa bezwen fer serman ni par lesyel, ni par later, ni par okenn fason. Zot wi, i devre wi, e zot non, i devre non, pour ki zot pa tonm anba zizman Bondye.

Zozye 2:12

Aprezan ki mon'n tret zot avek lwayote, fer serman avek mwan devan SENYER, ki zot pou tret mon fanmir avek bonte. Donn mwan en siny pour ki mon ava kapab fer zot konfyans.

Zozye 2:17

Bann zonm ti dir li, “Nou ava tenir sa serman ki ou'n fer nou fer,

Zozye 9:20

La mannyer nou pou tret zot: Akoz serman ki nou'n fer, nou ava les zot viv, pour pa atir lakoler Bondye lo nou.”