Egzod 20:6 - Labib An Kreol Seselwa

⁶ Me mon pou montre mon fidelite ziska mil zenerasyon, anver bann ki kontan mwan e ki gard mon bann komannman.

Egzod 20:6 ပူးပေါင်းရင်းမြစ်များ

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

Psonm 103:17

Me fidelite SENYER pour sa enn ki obei li i dire pour leternite e son lazistis i dire ziska plizyer zenerasyon

Egzod 34:7

ki gard son fidelite ziska mil zenerasyon; ki pardonn fot, dezobeisans ek pese. Me mon pa deklar inosan, sa enn ki koupab. Mon fer zanfan ek pti zanfan rann kont pese zot bann paran, ziska trwazyenm ek katriyenm zenerasyon.

Proverb 3:1

Mon garson! Pa oubliy mon lansennyman; gard mon bann komannman dan ou leker.

Zeremi 32:18

Ou ti montre ou fidelite anver plizyer zenerasyon. Me ou osi pini zanfan pour pese ki zot paran e zot gran paran i fer. Ou menm Bondye ki gran e for; ou menm ki nou apel SENYER liniver.

Danyel 9:4

Mon ti priy SENYER, mon Bondye, e mon ti fer sa konfesyon: Senyer, Bondye gran e terib! Ou ki gard ou lalyans ek ou fidelite anver bann ki kontan ou e ki gard ou bann komannman!

Nonm 14:18

Mwan SENYER, mon pasyan, ranpli avek labonte ek fidelite, ki pardonn fot ek pese. Me mon pa fer koupab pas pou inosan. Mon azir kont sa enn ki'n komet pese e kont son bann desandan, ziska trwazyenm e menm katriyenm zenerasyon.

Levanzil dapre Zan 14:15

Si zot kontan mwan, zot pou obei mon bann komannman.

Levanzil dapre Zan 14:21

Sa enn ki kontan mwan, i posed mon bann komannman e i met zot an pratik. Mon Papa pou kontan sa enn ki kontan mwan. Mwan osi, mon pou kontan li e mon pou fer li konn mwan.

Akt de Zapot 2:39

Annefe, promes Bondye in ganny fer pour zot tou, pour zot bann zanfan, e tou bann ki lwen, ki Senyer nou Bondye ava apele.”

Deterononm 4:37

SENYER ti kontan ou bann zanset. Pour sa rezon, ki i'n swazir zot bann desandan e par son prezans ek son pwisans, i ti fer zot sorti Lezip.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

Deterononm 7:9

Aprezan, rekonnet: SENYER, ou Bondye i sel Bondye. Li menm sa vre Bondye fidel dan son lalyans avek sa bann ki kontan li e ki gard son komannman, ziska mil zenerasyon.

Let Zak 1:12

I byennere sa enn ki reste ferm dan leprev. Annefe, apre ki i'n ganny teste, i pou resevwar kouronn laviktwar ki Bondye in promet tou bann ki kontan li.

1 Zan 4:19

Nou, nou kontan, akoz Bondye in kontan nou an premye.

1 Zan 5:3

Annefe, lanmour pour Bondye, se ki nou obei son komannman; e son bann komannman pa en fardo.

2 Zan 1:6

Sa lanmour, se ki nou viv dapre bann komannman Bondye. Sanmenm sa komannman dan lekel nou devre viv, parey nou'n tande depi o konmansman.