Egzod 20:4 - Labib An Kreol Seselwa

⁴ Ou pa pou fer okenn stati, nanryen ki annan laform okenn keksoz ki lao dan lesyel, oubyen anba lo later, oubyen ki dan delo ki pli ba ki later.

Egzod 20:4 ပူးပေါင်းရင်းမြစ်များ

1 Rwa 12:28

Apre ki lerwa ti'n pran konsey, i ti fer stati de zenn bef annor. I ti dir lepep, “Zot in ase mont Zerizalenm. Pep Izrael! La zot bondye ki'n fer zot sorti Lezip.”

2 Rwa 17:12

Zot ti'n ador bann zidol ki SENYER ti'n dir: Fodre pa zot fer sa.

2 Kronik 33:7

I ti plas en stati ki i ti'n fer dan tanp Bondye. Pourtan Bondye ti'n dir avek David ek son garson, Salomon: Isi, dan sa tanp, dan Zerizalenm ki mon'n swazir parmi tou bann tribi Izrael, ki mon pou gard mon prezans pour touzour.

Psonm 78:58

Zot ti provok li avek zot bann landrwa sakre e rann li zalou avek zot bann zidol.

Psonm 97:7

Zot devre onte, zot ki ador zidol, zot ki fyer avek zot bann zidol initil. Tou sa bann zidol i prosternen devan SENYER.

Egzod 20:23

Zot pa pou fer okenn bondye annarzan oubyen annor. Zot pa pou ador bann bondye apard mwan.

Egzod 32:1

Bann Izraelit ti war ki Moiz ti pe tarde desann sorti lo montanny; zot ti rasanble otour Aaron. Zot ti dir li, “Fer pour nou, bann bondye ki mars devan nou. Annefe, nou pa konnen ki'n arive avek sa Moiz, sa zonm ki ti fer nou sorti Lezip.”

Egzod 32:23

Zot ti dir mwan: Fer bann bondye ki ava diriz nou. Nou pa konnen ki'n arive avek Moiz, sa zonm ki'n fer nou sorti Lezip.

Egzod 32:4

Avek tou sa lor ki i ti pran avek zot, Aaron ti fer fonn dan en moul pour fabrik en pti toro. Lepep ti kriye, “Izrael! La zot bann bondye ki'n tir zot dan Lezip.”

Egzod 32:8

Zot pa'n tarde pour sanz semen ki mon ti'n ordonn zot; zot in fer en pti toro annor. Zot in prostern devan li e ofer li sakrifis. Zot in dir: Izrael! La zot bann bondye ki'n tir zot dan Lezip.”

Egzod 34:17

Ou pa devre fonn metal pour fabrik okenn bondye.

Ezai 42:17

Sa bann ki met zot konfyans dan bann zidol, ki dir avek zot bann stati: Zot menm nou bondye, zot pou ganny rezete, zot pou dan laont!

Ezai 42:8

Mwan menm SENYER, sa i mon non. Mon pa les personn pran mon laglwar, ni les bann zidol pran loner ki pour mwan.

Ezai 45:16

Tou bann artizan ki fabrik zidol, zot ganny kouver avek laont ek konfizyon. Zot tou, zot ale dan konfizyon.

Ezekyel 20:7

Mon ti dir zot: Sakenn parmi zot, abandonn sa bann lobze degoutan ki zis atir regar! Pa rann zot enpir avek bann zidol Lezip. Mwan menm Senyer BONDYE.

Ezekyel 8:10

Alor, mon ti antre e la sa ki mon ti war: Miray partou otour mwan ti kouver avek desen ki reprezant bann reptil ek bann zannimo degoutan ek tou bann zidol pep Izrael.

Ezekyel 8:3

En keksoz dan laform en lanmen ti sezi mwan par mon seve. Lespri ti soulev mwan ant later ek lesyel e transport mwan dan en vizyon dan Zerizalenm, devan lantre lo kote Nor dan tanp, kot zot ti'n plas sa stati zalouzi, ki provok zalouzi.

Levitik 19:4

Pa tourn ver bann fo bondye, ni fonn metal pour fabrik bann stati. Mwan menm SENYER zot Bondye.

Levitik 26:1

Zot pa pou fer okenn fo bondye, ni fabrik okenn stati, ni okenn pilye ros sakre. Zot pa pou fer okenn stati taye dan zot pei pour zot prostern devan zot. Mwan menm SENYER, zot Bondye.

Nonm 12:8

Mon koz avek li fas a fas san servi okenn parabol e i menm war mon laform! Koman eski zot oze koz kont mon serviter Moiz san okenn lafreyer.

Akt de Zapot 17:29

Alor, akoz nou son bann zanfan, nou pa devre krwar ki Bondye i parey avek en divinite ki'n fer avek lor, larzan oubyen ros, ki lar ek limazinasyon imen in prodwir.

Romen 1:23

Olye ador Bondye dan son mazeste ki egziste eternelman, zot ador bann stati ki reprezant en zonm ki mortel, zwazo, zannimo kat lapat ek reptil.

Deterononm 16:22

ni konstri en pilye ros sakre. SENYER, ou Bondye i deteste en tel keksoz.

Deterononm 27:15

Malediksyon lo sa enn ki fabrik en zidol oubyen ki fer en stati. Sa travay ki en artizan in fer, ki'n ganny plase dan en landrwa sekre, i en lobze degoutan devan SENYER. Lepep ava reponn: Amenn!

Deterononm 5:8

Ou pa pou fabrik okenn stati, okenn laform keksoz ki dan lesyel, oubyen lo later, oubyen dan delo pli ba ki later.

Revelasyon 16:2

Premye lanz ti ale e devers son lakoup lo later. Alor, en bann vilen boubou fermal ti aparet lo bann dimoun ki ti port mark sa bebet e ki ti ador son stati.

Revelasyon 9:20

Lezot zonm ki pa ti ganny touye par bann fleo, pa ti abandonn sa ki zot ti'n fer. Zot pa ti aret ador bann demon ek bann zidol annor, annarzan, an bronz, an pyer e an bwa ki pa kapab ni war, ni tande, ni marse.

Ziz 17:3

I ti rann son manman sa 1,100 pyes larzan. Son manman ti dir, “Mon pou donn sa larzan SENYER dan lentansyon mon garson, pour fer en stati an metal. Mon pou rann ou sa larzan.”