Egzod 20:24 - Labib An Kreol Seselwa

²⁴ Ou ava fer mwan en lotel avek later. Lo la, ou ava ofer zannimo koman sakrifis konplet ek sakrifis lape, bann mouton, bef ek kabri. Partou kot ou ava envok mon non, mon pou vin kot ou e mon pou beni ou.

Egzod 20:24 ပူးပေါင်းရင်းမြစ်များ

Zenez 12:2

Mon pou fer ou vin papa en gran nasyon e mon pou beni ou. Mon pou fer ou non vin enportan e ou ava vin en benediksyon.

2 Samyel 6:12

Zot ti rakont tousala lerwa David, “SENYER in beni fanmir Obed ek tou sa ki i posede, akoz Kof Bondye.” Alor, David ti al sers Kof SENYER kot Obed-Edonm, e anmenn li dan lavil David avek en gran selebrasyon.

1 Rwa 8:29

Gard ou lizye ouver toultan, lizour koman aswar, lo sa lakaz, sa landrwa ki ou menm ou'n dir: Mon non pou reste la. Ekout lapriyer ki ou serviter i fer dan sa landrwa.

1 Rwa 8:43

depi ou demer dan lesyel, ekoute kan sa etranze i envok ou; egzos tou son reket ver ou, parey ou pep Izrael. Zot ava rekonnet ki ou non i ganny envoke la, dan sa lakaz ki mon'n konstri.

1 Rwa 9:3

SENYER ti dir li: Mon'n antann ou lapriyer ek ou bann siplikasyon ki ou'n fer monte devan mwan. Mon konsakre sa lakaz ki ou'n konstri, en landrwa kot mon pou plas mon non pour touzour. Mon regar ek mon leker pou la toultan.

2 Rwa 5:17

Alor, Naaman ti dir, “Dan sa ka, mon demann ou, donn ou serviter, en pe later ki ava ganny sarze lo de bourik. Mwan, ou serviter mon pa pou ofer ankor okenn sakrifis konplet, ni okenn sakrifis anver nenport bondye, eksepte SENYER.

2 Kronik 12:13

Roboanm ti vin lerwa dan Zerizalenm laz 41 an. I ti etabli li solidman koman lerwa pandan 17 an, dan Zerizalenm, lavil ki SENYER ti'n swazir parmi tou bann tribi Izrael, pour li montre son prezans. Manman Roboanm ti en Amonit ki ti apel Naama.

2 Kronik 6:6

Me mon ti swazir Zerizalenm, pour manifeste mon prezans. Me mon'n swazir David, pour gouvern mon pep, Izrael.

2 Kronik 7:16

Mon'n swazir e konsakre sa landrwa kot mon non pou prezan pour touzour. Mon pou touzour vey lo li.

Esdras 6:12

Bondye ki'n etabli son non dan sa landrwa, ava fer tonbe tou lerwa, ek tou pep ki kas sa lord, e detri tanp Bondye ki Zerizalenm! Mwan, Dariis, mon donn sa lord. Pa tarde pour ki i ganny byen egzekite.

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Psonm 101:2

Mon pou kondwir mwan byen. Kan eski ou pou vin kot mwan? Dan mon lakour, mon pou anmenn en lavi drwat e san repros.

Psonm 122:2

Zerizalenm! Nou lipye in aret devan ou laport.

Psonm 128:5

SENYER pou beni ou depi Zerizalenm. Ou pou war Zerizalenm prospere tou le zour ou lavi.

Psonm 134:3

Depi Zerizalenm, SENYER ki'n kree lesyel ek later ava beni ou.

Psonm 74:7

Zot in kraz tou e met dife dan ou sanktyer; zot in profann landrwa sen kot ou reste.

Psonm 76:2

In etabli son latant dan Zerizalenm. Son demer i dan Siyon.

Psonm 78:68

me i ti swazir tribi Zida, montanny Siyon ki i kontan.

Egzod 10:25

Moiz ti dir, “Ou menm ki pou bezwen fourni nou avek bann zannimo pour bann sakrifis e bann sakrifis konplet pour nou ofer SENYER nou Bondye.

Egzod 18:12

Apre sa, Zetro, boper Moiz ti ofer en sakrifis konplet e lezot sakrifis anver Bondye. Aaron, ansanm avek bann ansyen dan Izrael ti vin manz dipen avek boper Moiz, dan prezans Bondye.

Egzod 20:25

Si ou fer en lotel an ros, pa bezwen fer li avek ros taye, akoz ou zouti pou rann li enpir.

Egzod 24:4

Moiz ti ekri tou bann parol SENYER. I ti leve granmaten, mont en lotel devan montanny avek 12 ros pilye, enn pour sak tribi Izrael.

Egzod 24:5

I ti anvoy bann zenn Izraelit ofer sakrifis konplet ek sakrifis lape. Zot ti ofer bann toro pour SENYER.

Egzod 27:1

Ou ava fer en lotel avek dibwa akasya; i ava mezir de met edmi lo sak kote e en met edmi oter.

Ezai 64:5

Ou ed sa bann ki fer sa ki byen san ezite, sa bann ki mars dapre ou lalwa. Me ou ti ankoler akoz nou ti fer pese; ou ti kasyet ou akoz nou ti'n transgres ou lalwa.

Levitik 17:9

e ki i pa anmenn sa lofrann devan lantre Latant Rankont pour prezant devan SENYER, sa dimoun ava ganny rezete parmi son pep.

Malasi 1:11

Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Matye 18:20

Annefe, la kot de oubyen trwa dimoun in rasanble an mon non, mon pou la parmi zot.”

Matye 28:20

Ansenny zot pour obei tou sa ki mon'n komann zot. Pa oubliye: Mwan, mon pou avek zot tou le zour, ziska lafen lemonn.”

Deterononm 12:11

Alor, zot ava anmenn kot SENYER, zot Bondye dan sa landrwa ki i ava'n swazir pour manifeste prezans son non, tou sa ki mon'n dir zot: Zot bann sakrifis konplet, zot bann sakrifis lape, zot bann ladim, zot bann donasyon, tou bann lofrann volonter ki zot ava ofer anver SENYER.

Deterononm 12:21

Si landrwa kot SENYER, ou Bondye ava swazir pour etabli son non i tro lwen avek ou landrwa reste, e ki parey mon'n ordonn ou fer, ou touy en zannimo parmi ou bann troupo parey SENYER in donn ou, alor, ou ava kapab manz sa lavyann kot ou, e kan ou anvi.

Deterononm 12:5

Me zot ava rod sa landrwa ki SENYER, zot Bondye ava swazir parmi zot bann tribi, pour ki son non i reste prezan, partou kot zot ava ale.

Deterononm 14:23

Ou ava manz ladim ou dible, ou diven nouvo ek ou delwil, bann premye ne ou bann troupo, dan landrwa kot SENYER, ou Bondye ava swazir pour manifeste prezans son non. Konmsa, ou ava aprann ki mannyer ou pou annan respe pour SENYER, ou Bondye.

Deterononm 16:11

Avek ou bann garson, ou bann fiy, ou bann serviter, ou bann servant, bann levit ki reste dan ou bann lavil, bann etranze, bann orfelen ek bann vev ki viv parmi zot, ou ava fer lafet dan landrwa kot SENYER ava swazir pour fer reste prezans son non.

Deterononm 26:2

ou ava pran en pe bann premye fri ki later in prodwir, ki ou'n rekolte dan sa later ki SENYER, ou Bondye pou donn ou. Ou ava met sa bann fri dan en korbey. Ou ava al la kot SENYER, ou Bondye ava swazir koman en landrwa pour li reste.

Deterononm 7:13

I pou kontan ou, beni ou, fer ou vin nonbre. I pou beni ou bann zanfan e fri ou later: Ou dible, ou diven ek ou delwil. I pou beni ou bann zannimo: Zenis e bann zenn mouton, lo later ki i'n fer serman avek ou bann zanset pour li donn ou.

1 Timote 2:8

Alor, mon demande ki bann zonm i priye partou; ki zot lev lanmen ver lesyel avek en leker pir, san okenn lakoler, ni dispit.