Egzod 20:2 - Labib An Kreol Seselwa

² Mwan menm SENYER ou Bondye, ki ti delivre ou Lezip dan lesklavaz.

Egzod 20:2 ပူးပေါင်းရင်းမြစ်များ

1 Rwa 18:39

Kan zot ti'n war sa, pep antye ti prosternen e dir, “SENYER, li menm ki Bondye! SENYER li menm ki Bondye.”

2 Rwa 17:12

Zot ti'n ador bann zidol ki SENYER ti'n dir: Fodre pa zot fer sa.

2 Rwa 17:7

Sa ti arive akoz pep Izrael ti'n fer pese kont SENYER zot Bondye ki ti'n fer zot sorti Lezip e delivre zot dan lanmen Faraon, lerwa Lezip; osi akoz zot ti'n ador lezot bondye.

2 Kronik 28:5

Alor, SENYER son Bondye ti livre li dan lanmen lerwa Siri. Bann Siriyen ti bat li e pran en kantite prizonnyen ki ti ganny anmennen Damas. Akaz ti tonm osi dan lanmen lerwa Izrael ki ti donn li en bon bate.

Psonm 50:7

Mon pep! Ekout mwan. Mon annan sa pour dir ou: Izrael! Mon pou temwanny kont ou. Mwan Bondye, ki ou Bondye!

Psonm 81:10

Mwan menm SENYER ou Bondye ki ti fer ou sorti dan pei Lezip. Ouver gran ou labous e mon ava donn ou manze.

Psonm 81:11

Me mon pep pa ti ekout mon lavwa. Izrael ti refize obeir mwan.

Psonm 81:7

Dan ou maler ou ti kriye e mon ti vin sov ou. Mon ti reponn ou depi dan sekre loraz; mon ti teste ou kot sours Meriba.

Egzod 13:14

Alavenir, kan ou garson ava demann ou: Ki savedir sa? Ou ava reponn li: Par son pwisans, SENYER ti delivre nou dan lesklavaz Lezip.

Egzod 13:3

Moiz ti dir lepep: Mazin byen sa zour kan zot ti sorti Lezip, kot zot ti dan lesklavaz. Par lafors son lanmen ki SENYER ti fer zot sorti Lezip. Zot pa devre manz okenn dipen avek lelven.

Egzod 15:13

Dan ou fidelite, ou ti kondwir sa pep ki ou ti sove. Par ou lafors, ou ti gid zot ver ou demer sen.

Egzod 15:16

Lafreyer ek laper in tonm lo zot. Par lafors ou lebra, zot perdi laparol, parey en ros, ziska ki ou pep SENYER, in fini pase, ziska ki sa pep SENYER, ki ou'n sove, in fini pase.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Egzod 20:1

La bann parol ki Bondye ti dir avek pep Izrael:

Egzod 29:46

Konmsa, zot ava konnen ki mwan menm SENYER zot Bondye ki ti fer zot sorti Lezip, pour reste parmi zot. Mwan menm SENYER, zot Bondye.

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Ezai 43:3

akoz mwan menm SENYER ou Bondye, Bondye Sen Izrael, ou Sover. Mon'n donn Lezip koman en ranson pour ou delivrans. Mon'n esanz Letyopi ek Seba dan ou plas.

Zeremi 16:14

La sa ki SENYER i deklare: Lontan, kan zot ti fer serman, zot ti dir: Mon promet lo non SENYER ki vivan, ki'n fer pep Izrael sorti Lezip. Me sa zour pe vini kan zot pou dir:

Zeremi 2:6

Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Zeremi 31:1

La sa ki SENYER i deklare: Sa zour pe vini, kan mon pou Bondye tou bann tribi Izrael, e zot ava vin mon pep.

Zeremi 31:33

La koman pou ete, sa nouvo lalyans ki mon pou fer avek mon pep, SENYER i deklare: Mon pou met mon bann lalwa dan zot leker. Alor, mon ava vin zot Bondye, e zot ava vin mon pep.

Zeremi 34:13

La sa ki SENYER, Bondye Izrael, i deklare: Mon ti'n fer en lalyans avek ou bann zanset kan mon ti fer zot sorti Lezip kot zot ti pe viv dan lesklavaz. Mon ti dir zot:

Ezekyel 20:19

Mwan menm SENYER, zot Bondye. Obei mon bann lalwa, swiv mon bann regleman e met zot an pratik.

Ezekyel 20:5

Dir zot: La sa ki Senyer BONDYE i deklare: Zour mon ti swazir pep Izrael, mon ti fer en serman avek bann desandan Zakob. Mon ti fer zot konn mwan Lezip; mon ti fer en serman; lanmen leve, mon ti dir: Mwan menm SENYER zot Bondye.

Ezekyel 20:7

Mon ti dir zot: Sakenn parmi zot, abandonn sa bann lobze degoutan ki zis atir regar! Pa rann zot enpir avek bann zidol Lezip. Mwan menm Senyer BONDYE.

Oze 12:10

Mon ti koz avek bann profet; mwan ki miltipliy zot bann vizyon, e atraver bann profet, mon pou anmenn destriksyon.

Oze 13:4

Sepandan, mwan ki SENYER, zot Bondye depi ki zot in sorti Lezip. Zot pa'n konn okenn lot Bondye eksepte mwan; apard mwan, napa en lot sover.

Levitik 11:45

Mwan menm SENYER ki ti fer zot monte sorti Lezip, pour ki mon vin zot Bondye. Zot ava sen akoz mwan, mon sen.

Levitik 19:36

Ou bann balans ek ou bann pwa, devret zis; ou bann mezir devret zis. Mwan menm SENYER ou Bondye ki'n fer ou sorti Lezip.

Levitik 23:43

Konmsa, tou bann zenerasyon ava rapel ki mon ti fer pep Izrael reste anba latant ler mon ti fer zot sorti dan pei Lezip. Mwan menm SENYER zot Bondye.

Levitik 25:38

Mwan menm SENYER zot Bondye ki'n fer zot sorti Lezip pour donn zot later Kanaan, pour mwan vin zot Bondye.

Levitik 25:42

Annefe, zot mon serviter, akoz mon'n fer zot sorti Lezip. Zot pa kapab ganny vann parey lesklav.

Levitik 25:55

Annefe, pep Izrael i mon bann serviter. Zot mon bann serviter ki mon'n fer sorti Lezip: Mwan menm SENYER zot Bondye.

Levitik 26:1

Zot pa pou fer okenn fo bondye, ni fabrik okenn stati, ni okenn pilye ros sakre. Zot pa pou fer okenn stati taye dan zot pei pour zot prostern devan zot. Mwan menm SENYER, zot Bondye.

Levitik 26:13

Mwan menm SENYER zot Bondye ki ti fer zot sorti Lezip pour ki zot pa vin lesklav ankor. Mon'n tir bann fardo lo zot zepol; zot ava kapab mars avek lafyerte.

Amos 2:10

Mon ti fer ou sorti Lezip; mon ti kondwir ou atraver dezer pandan 40 an, pour ou pran posesyon pei bann Amorit.

Romen 10:12

Annefe, napa okenn distenksyon ant Zwif ek non-Zwif. Zot tou, zot annan menm Senyer ki devers son byenfe lo tou dimoun ki envok li.

Romen 3:29

Oubyen, eski Bondye i Bondye zis bann Zwif? Pa i Bondye lezot pep osi? Byen sir, i Bondye lezot pep osi,

Deterononm 13:10

Saboul li ziska ki i mor, akoz in esey antrenn ou lwen avek SENYER, ou Bondye ki ti tir ou dan pei Lezip e dan lesklavaz.

Deterononm 15:15

Pa oubliye ki ou osi, ou ti lesklav Lezip e ki SENYER, ou Bondye ti sov ou. Pour sa rezon ki mon pe donn ou ozordi sa komannman.

Deterononm 20:1

Ler ou sorti pour al lager kont ou bann lennmi e ou ava war en kantite seval ek kales lager, en larme pli gran ki pour ou, ou napa nanryen pour per, akoz SENYER, ou Bondye ki'n fer ou sorti Lezip, i avek ou.

Deterononm 5:15

Rapel byen ki ou ti en lesklav Lezip. Par son pwisans ek son lafors, SENYER, ou Bondye ti fer ou sorti. Pour sa rezon, SENYER, ou Bondye ti ordonn ou obzerv zour saba.

Deterononm 5:6

Mwan menm SENYER, ou Bondye ki ti fer ou sorti dan Lezip kot ou ti lesklav.

Deterononm 7:8

Sa ti akoz SENYER in kontan ou. Akoz in gard serman ki i ti fer avek ou bann zanset, ki SENYER, par son pwisans, ti tir ou e sov ou dan lesklavaz, dan lanmen Faraon, lerwa Lezip.

Ziz 2:1

Mesaze SENYER ti monte sorti Gilgal e al Bokim. I ti dir, “Mon ti fer zot monte depi Lezip e mon'n fer zot antre dan sa pei ki mon ti'n promet par serman avek zot bann zanset. Mon ti dir: Zanmen mon pou kas mon lalyans avek zot.

Ziz 6:10

Mon ti dir zot: Mwan menm SENYER zot Bondye. Zot pa devre per bann bondye bann Amorit kot zot pe reste. Me zot pa ti ekout mwan.”