Egzod 2:5 - Labib An Kreol Seselwa

⁵ Fiy Faraon ti vin bennyen dan larivyer Nil, pandan ki son bann servant ti'n al marse lo bor larivyer. I ti war en pannyen parmi bann zon. I ti anvoy enn son bann servant anmas sa pannyen.

Egzod 2:5 ပူးပေါင်းရင်းမြစ်များ

1 Rwa 17:6

Bann korbo ti anmenn dipen ek lavyann bomaten e aswar osi dipen ek lavyann. I ti bwar delo larivyer.

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 46:1

Bondye i pour nou en labri e en sekour. I touzour avek nou dan letan maler.

Psonm 76:10

Menm lakoler bann imen i rann ou glwar; ou antour ou avek leres ou lakoler.

Psonm 9:9

SENYER i en soutyen pour sa enn ki ganny meprize. I en soutyen dan letan maler.

Egzod 2:6

Kan i ti ouver sa pannyen, i ti war en pti baba: En pti garson ki ti pe plere. I ti oule sov li, me i ti dir, “Sa en pti baba bann Ebre.”

Egzod 7:15

Granmaten, al war Faraon. Ler i sorti pour al obor delo, esper li kot larivyer Nil. Anmenn avek ou sa baton ki ti vin serpan.

Egzod 8:20

SENYER ti dir Moiz, "Demen, ou ava lev granmaten e al esper Faraon letan i pe al obor larivyer. Dir li: La sa ki SENYER i deklare: Les mon pep ale, pour zot al servi mwan.

Proverb 21:1

Leker lerwa i en pti larivyer dan lanmen SENYER. I diriz li partou kot i oule.

Zonas 1:17

SENYER ti fer en gro pwason anval Zonas ki ti reste dan vant sa pwason pandan trwa zour ek trwa nwit.

Zonas 2:10

SENYER ti donn lord sa pwason e sa pwason ti al vomi Zonas ater.

Akt de Zapot 7:21

Kan i ti ganny abandonnen, fiy Faraon ti ranmas li, e sonny li koman son prop garson.