Egzod 2:11 - Labib An Kreol Seselwa

¹¹ En zour, kan Moiz ti'n gran, i ti al kot son bann frer Ebre e i ti war zot dan zot latas travoforse. I ti war en Ezipsyen pe bat en Ebre, enn son bann frer.

Egzod 2:11 ပူးပေါင်းရင်းမြစ်များ

Egzod 1:11

Alor, bann Ezipsyen ti apwent bann sirveyan sever pour kraz zot avek travoforse. Konmsa ki bann Izraelit ti konstri lavil Pitonm ek Ranmses pour gard rezerv manze pour Faraon.

Egzod 3:7

SENYER ti dir, “Mon'n byen war soufrans mon pep Lezip, e mon'n antann zot kriye anba kou bann sef latas. Mon konn zot soufrans.

Egzod 5:14

Bann kontroler Izraelit ti menm ganny bate. Zot ti'n ganny apwente par bann lenspekter Faraon. Zot ti ganny demande: Akoz zot pa'n fini zot latas brik yer e ankor ozordi, parey avan?

Egzod 5:4

Lerwa Lezip ti dir zot, “Moiz ek Aaron! Akoz zot oule fer dimoun kit zot travay? Ale! Retourn dan zot latas.”

Egzod 5:5

Faraon ti dir: “Aprezan ki sa pep in vin pli nonbre ki zabitan sa pei, ki zot oule anpes zot travay!”

Egzod 5:9

Fer zot travay pli dir ankor, pour zot napa letan pour port latansyon lo sa bann mansonz.”

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Ezai 58:6

La zenn ki fer mwan plezir: Detas bann lasenn lenzistis, tir sa fardo ki pez lo ou zepol, rann lib dimoun ki ganny kraze e debaras bann fardo ki gard ou lesklav.

Matye 11:28

Vin kot mwan zot tou ki fatige anba en fardo; mwan, mon ava donn zot repo.

Levanzil dapre Lik 4:18

Lespri Senyer i lo mwan, akoz in konsakre mwan pour anons Bonn Nouvel avek bann pov. I'n anvoy mwan proklanm delivrans bann prizonnyen, e fer bann aveg war kler, donn laliberte bann ki ganny oprimen,