Egzod 19:9 - Labib An Kreol Seselwa

⁹ SENYER ti dir Moiz, “Mon pe vin kot zot dan en nyaz epe, pour ki lepep ava kapab ekoute kan mon koz avek ou e pour ki zot ava krwar ou pour touzour.” Moiz ti dir SENYER tou sa ki lepep ti'n dir li.

Egzod 19:9 ပူးပေါင်းရင်းမြစ်များ

1 Rwa 8:12

Alor Salomon ti dir: SENYER, ou ti dir ou pou reste dan gran fernwanr!

2 Kronik 20:20

Zot ti lev granmaten pour al dan dezer Tekoa. Pandan ki zot ti pe ale, Zozafat ti debout. I ti dir: Ekout mwan, pep Zida ek zabitan Zerizalenm! Met tou zot konfyans dan SENYER zot Bondye e zot ava reste for. Fer konfyans dan bann profet e zot ava ranport laviktwar.

2 Kronik 6:1

Salomon ti dir: SENYER! Ou dir ki ou'n deside reste dan en nyaz epe!

Psonm 97:2

Fernwanr ek nyaz i antour li. Son tronn i fonde lo lazistis ek ladrwatir.

Psonm 99:7

I ti koz avek zot dan kolonn lafimen. Zot ti gard son bann komannman ek bann lalwa ki i ti'n donn zot.

Egzod 14:31

Pep Izrael ti war lafors lanmen SENYER kont bann Ezipsyen. Alor, lepep ti ganny respe pour SENYER. Zot ti krwar dan SENYER e dan son serviter Moiz.

Egzod 19:16

Bomaten, trwazyenm zour, ti annan loraz, zekler ek en nyaz epe lo montanny. Apre, ti annan en son tronpet byen for e tou dimoun dan kan ti tranble avek lafreyer.

Egzod 20:21

Lepep ti debout lwen pandan ki Moiz ti apros kot Bondye ti ete dan sa nyaz epe.

Egzod 34:5

SENYER ti desann parmi bann nyaz e i ti debout akote Moiz. Moiz ti pro-klanm non SENYER:

Egzod 4:31

Lepep ti krwar. Kan zot ti aprann ki SENYER ti'n azir an faver bann Izraelit e ki i ti'n war zot soufrans, zot ti prosternen e ador SENYER.

Egzod 4:5

SENYER ti dir li, “Konmsa, zot ava krwar ki Bondye zot zanset, Bondye Abrahanm, Bondye Izaak e Bondye Zakob in aparet avek ou.”

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Ezai 7:9

Samari i kapital Efraim e garson Remalia i sef Samari. Si ou napa lafwa ou pa pou kapab tenir.

Nonm 12:5

SENYER ti desann dan kolonn nyaz e i ti aparet devan lantre Latant. I ti apel Aaron ek Mirianm; tou le de ti avans devan.

Matye 17:5

Letan Pyer ti pe koze, en nyaz klate ti kouver zot, e en lavwa sorti dan nyaz ti dir: Sa i mon Garson byenneme dan ki mon'n met tou mon lazwa. Ekout li!

Mark 9:7

Apre, en nyaz ti kouver zot, e en lavwa sorti dan nyaz ti dir: Sa i mon Garson byenneme. Ekout li.

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Deterononm 4:10

Rapel zour ou ti debout devan SENYER, ou Bondye, lo montanny Horeb, ler SENYER ti dir mwan: Rasanble lepep devan mwan; mon oule fer zot antann mon bann parol, pour ki zot aprann annan respe anver mwan, tou le zour zot lavi lo later e pour zot ansenny osi zot bann zanfan.

Deterononm 4:36

Depi lesyel, in fer ou antann son lavwa, pour li koriz ou. In fer ou war son gran dife lo later; ou'n antann son lavwa sorti dan milye dife.

Revelasyon 1:7

La i pe vini parmi bann nyaz, e tou dimoun pou war li; menm sa bann ki ti transpers li. Tou bann nasyon lo later pou lamante lo son size. Wi! Amenn.