Egzod 19:5 - Labib An Kreol Seselwa

⁵ Apartir ozordi, si zot ekout mwan e gard mon lalyans, zot pou vin mon prop posesyon parmi tou bann pep. Later antye i pour mwan.

Egzod 19:5 ပူးပေါင်းရင်းမြစ်များ

Zenez 17:9

Bondye ti dir ankor Abrahanm, “Ou pou gard mon lalyans, ou ek ou desandans apre ou, atraver tou zot zenerasyon.

1 Rwa 8:53

SENYER Bondye! Ou ki'n separ nou avek bann nasyon lo later, pour ki nou vin ou patrimwann, parey ou ti deklare avek Moiz, ou serviter ler ou ti fer nou bann zanset sorti Lezip.

1 Kronik 17:22

Ou'n swazir ou pep Izrael pour fer vin ou pep pour touzour, e ou SENYER ou'n vin zot Bondye.

Liv Zob 41:11

Lekel ki kapab konfront li e reste vivan? Tou sa ki anba lesyel i pour mwan.

Liv Zob 41:3

Eski i pou sipliye pour ou larg li? Eski i pou anmyel ou?

Psonm 135:4

Annefe, SENYER in swazir Zakob zis pour li, Izrael koman son byen personnel.

Psonm 24:1

Later avek tou son larises, lemonn avek tou son bann zabitan i pour SENYER.

Psonm 25:10

Dan tou son santye, SENYER i montre fidelite ek lwayote anver tou bann ki gard son lalyans ek son bann regleman.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Egzod 23:22

Si ou ekout li fidelman, si ou fer tou sa ki mon dir, alor, mon pou vin en lennmi pour ou bann lennmi e en ladverser pour ou bann ladverser.

Egzod 24:7

Apre, i ti pran liv Lalyans e lir devan lepep. Zot ti dir: Nou pou fer tou sa ki SENYER in dir e nou pou obei li.

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Egzod 8:22

Me sa zour, mon pou tret diferaman teritwar Gosenn, kot mon pep i reste pour ki ou ava konnen ki mwan SENYER, mon dan sa pei.

Egzod 9:29

Moiz ti dir li, “Ler mon pou kit lavil, mon pou lev mon lanmen ver SENYER. Tapaz loraz pou arete e pou nepli annan lagrel. Konmsa, ou ava konnen ki later i pour SENYER.

Kantik Salomon 8:12

Mon plantasyon rezen i devan mwan. Salomon! La ou mil pyes larzan; i annan de san pyes pour bann gardyen.

Ezai 1:19

Si zot aksepte obeir mwan, zot ava manz bann pli bon prodwi dan sa pei.

Ezai 41:8

Me ou, Izrael, mon serviter, Zakob ki mon'n swazir; desandans Abrahanm, mon zanmi;

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Ezai 56:4

La sa ki SENYER i deklare: Bann enik ki gard mon bann saba ki swazir pour fer mwan plezir e ki gard fidelman mon lalyans:

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Zeremi 13:11

Annefe, SENYER i deklare, parey en zonm i ser en sang otour son leren, mon ti'n atas rwayonm Zida ek rwayonm Izrael otour mwan. Mon ti fer sa pour ki zot vin mon pep, en size loner e laglwar pour mwan. Me zot pa'n oule obei mwan.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Ezekyel 16:8

Mon ti repas la kot ou ti ete e mon ti get ou; ou ti'n ganny laz pour fer lanmour. Alor, mon ti kouver ou avek en bout mon lenz, akoz ou ti touni. Mon ti promet ou fidelite e fer en lalyans avek ou; ou ti vin pour mwan. Senyer BONDYE ki'n deklare.

Levitik 20:24

Mon ti dir zot: Zot pou erit zot later; mwan ki pou fer zot pran posesyon; sa i en pei kot dile ek dimyel i koule annabondans. Mwan menm zot Bondye ki'n separ zot avek bann pep.

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Amos 6:1

Maler lo zot ki viv trankilman dan Siyon, e ki krwar zot an sekirite dan montanny Samari! Zot bann elit parmi bann nasyon, ver ki bann Izraelit i tournen!

Malasi 3:17

Sa zour ki mon'n prepare pour azir, mon pou fer zot vin mon trezor, mon pep spesyal, SENYER liniver ti deklare. Mon pou montre mon bonte anver zot, parey bann paran ki kontan zot zanfan ki obeisan.

1 Korentyen 10:26

Annefe, Lekritir i deklare: Later avek tou sa ki ladan, i propriyete Senyer.

1 Korentyen 10:28

Me si en dimoun i dir ou: Sa lavyann ti'n ganny ofer koman sakrifis an loner bann zidol; pa manze par konsiderasyon pour sa dimoun ki'n fer ou sa remark, e pour en rezon konsyans.

Deterononm 10:14

Lesyel ek tou sa ki ladan, later osi ek tou sa ki ladan i pour SENYER, ou Bondye.

Deterononm 11:27

Benediksyon, si zot obei bann komannman SENYER, zot Bondye, ki mon pe donn zot ozordi;

Deterononm 14:2

Ou en pep sen pour SENYER, ou Bondye. Ou ki SENYER in swazir parmi tou bann pep lo later pour vin son pep e son posesyon.

Deterononm 14:21

Ou pa pou manz okenn zannimo mor; ou ava donn bann etranze ki reste dan ou lavil, pour manze; ou ava osi kapab vann zot avek en etranze. Me ou, ou en pep sen pour SENYER, ou Bondye. Ou pa pou kwi en pti kabri dan dile son manman.

Deterononm 26:18

Ozordi, SENYER in fer ou promet pour ou vin son pep parey i ti dir ou; ou ava obzerv tou son bann komannman.

Deterononm 26:19

Konmsa, i ava fer ou vin pli gran nasyon ki i'n kree, dan ou repitasyon e dan ou loner. Konmsa, ou ava en pep sen pour SENYER, ou Bondye, parey in promet.

Deterononm 28:1

Si ou obei SENYER, ou Bondye, si ou obzerv fidelman tou son bann komannman ki mon pe al ordonn ou ozordi, SENYER, ou Bondye ava fer ou pli gran ki tou bann nasyon ki lo later.

Deterononm 28:9

SENYER ava etabli ou koman son pep sen, parey in fer serman avek ou, si ou gard bann komannman SENYER, ou Bondye e swiv son volonte.

Deterononm 4:20

Me zot, SENYER in swazir zot. I'n fer zot sorti Lezip, dan sa four kot feray i fonn, pour fer zot vin son pep, son posesyon. Se sa, ki zot ete aprezan.

Deterononm 5:2

SENYER, nou Bondye ti fer en lalyans avek nou lo montanny Horeb.

Deterononm 7:6

Ou en pep sen, konsakre pour SENYER, ou Bondye. SENYER, ou Bondye in swazir ou parmi tou bann pep lo later pour fer ou vin son pep.

Deterononm 9:29

Pa oubliye ki sa pep i pour ou e ki ou ki ti fer li sorti Lezip, par ou pwisans ek ou lafors.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Ebre 11:8

Par lafwa, Abrahanm ti obei, kan Bondye ti apel li: I ti al dan en pei ki i ti pou resevwar koman son posesyon. I ti kit son prop pei san konnen kote i ti pe ale.

Ebre 8:9

I pa pou parey sa lalyans ki mon ti fer avek zot zanset, zour ki mon ti atrap zot lanmen, e fer zot sorti dan pei Lezip. Akoz zot pa ti fidel anver mon lalyans, mon pa ti pran ka avek zot, Senyer i deklare.

Zozye 24:24

Lepep ti dir Zozye, “SENYER ki nou Bondye ki nou pou servi; nou pou ekout son lavwa.”

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.

1 Samyel 15:22

Samyel ti dir, “Eski SENYER i pran otan plezir dan lofrann ek sakrifis plito ki dan lobeisans sa enn ki ekout lavwa SENYER? Lobeisans i vomye ki sakrifis. Soumisyon i vomye ki lagres bouk.