Egzod 19:4 - Labib An Kreol Seselwa

⁴ Zot in war sa ki mon ti fer avek Lezip: Mon ti anmenn zot, parey en leg i anmenn son piti lo son lezel, e mon'n fer zot retourn kot mwan.

Egzod 19:4 ပူးပေါင်းရင်းမြစ်များ

Ezai 40:31

Me sa bann ki met zot konfyans dan SENYER ava reganny zot lafors; zot ava anvole parey en leg; zot ava taye, me zanmen fatige; zot ava marse san rente.

Ezai 63:9

dan tou zot detres. Zot pa ti ganny sove par en mesaze, ni par en lanz; me SENYER li menm ki ti delivre zot. Dan son lanmour ek son konpasyon i ti delivre zot; tou dilon, dan lepase, i ti avek zot, i ti soutenir zot.

Oze 11:1

Kan Izrael ti ankor zenn, mon ti kontan li, mon'n apel mon garson pour sorti Lezip.

Agze 2:5

dapre sa promes ki mon ti fer kan zot ti sorti Lezip. Pa per, mon avek zot.

Malasi 2:10

Nou tou, pa nou annan en sel papa, en sel Bondye ki'n kree nou? Alor, akoz nou tronp kanmarad e kas lalyans ki Bondye in fer avek nou bann zanset?

Deterononm 1:30

SENYER, zot Bondye ki pe mars devan zot. Li menm ki pou konbat dan zot plas, parey i ti fer devan zot, Lezip.

Deterononm 1:31

Dan dezer osi, ou ti war ki mannyer SENYER, ou Bondye ti soutenir ou, parey ler en papa i pran son zanfan dan lebra, tou dilon zot vwayaz, ziska ki zot in ariv isi.

Deterononm 29:1

La bann parol lalyans ki SENYER ti ordonn Moiz pour fer avek bann Izraelit dan pei Moab. Sa i an plis ki sa lalyans ki i ti fer avek zot lo montanny Horeb.

Deterononm 29:2

Moiz ti konvok pep Izrael antye. I ti dir zot: Zot in war avek zot lizye tou sa ki SENYER in fer Faraon, son bann serviter ek son pei antye.

Deterononm 4:9

Selman, fer atansyon! Vey byen lo ou menm tou le zour ou lavi, pour ki ou pa oubliy sa ki ou lizye in war; gard zot dan ou leker. Ansenny tousala ou bann zanfan ek ou bann pti zanfan.

Zozye 23:3

Zot menm, zot in war tou sa ki SENYER, zot Bondye in fer avek tou sa bann nasyon akoz zot. SENYER, zot Bondye ki'n konbat pour zot.

Revelasyon 12:14

Me sa fanm ti ganny sa de lezel en gran leg. I ti anvole ziska dan sa landrwa rezerve pour li dan dezer. La, i ti ganny nouri pandan 3 an edmi, lwen avek latak sa serpan.