Egzod 19:22 - Labib An Kreol Seselwa

²² Bann pret ki vin devan SENYER ava pirifye zot, pangar ki SENYER i pini zot e ki i annan parmi zot ki mor.”

Egzod 19:22 ပူးပေါင်းရင်းမြစ်များ

1 Kronik 15:13

Akoz zot pa ti la premye fwa, SENYER, nou Bondye in pini nou akoz nou pa'n pran ka avek li dapre son lord.”

2 Kronik 30:15

Dan katorzyenm zour, sa dezyenm mwan, zot ti touy bann mouton pour lafet Pak. Avek kanmizri, bann pret ek levit ti konsakre zot pour zot kapab ofer sakrifis konplet dan tanp SENYER.

2 Kronik 30:3

Selebrasyon pa ti kapab ganny fer dan son letan normal, akoz ti napa ase pret ki ti'n pirifye zot; anplis lepep pa ti'n rasanble Zerizalenm. Alor zot pa ti kapab fer selebrasyon.

Egzod 19:24

SENYER ti dir li, “Desann, apre, ou ava remont avek Aaron. Me bann pret ek lepep pa devre depas balizaz pour vin kot SENYER, pangar serten parmi zot i mor.”

Egzod 19:5

Apartir ozordi, si zot ekout mwan e gard mon lalyans, zot pou vin mon prop posesyon parmi tou bann pep. Later antye i pour mwan.

Egzod 24:5

I ti anvoy bann zenn Izraelit ofer sakrifis konplet ek sakrifis lape. Zot ti ofer bann toro pour SENYER.

Ezai 52:11

Ale! Ale! Sorti kot zot ete! Pa tous nanryen ki enpir. Sorti parmi zot! Zot ki pe anmenn bann lobze sakre dan servis SENYER! Pirifye zot!

Levitik 21:6

Zot ava reste sen pour zot Bondye e pa dezonor non zot Bondye. Annefe, zot ki ofer Bondye bann sakrifis ki ganny brile, nouritir zot Bondye. Alor, zot ava sen.

Nonm 11:18

“Dir avek lepep: Konsakre zot pour demen. Zot pou manz lavyann, akoz zot in mirmire dan zorey SENYER e zot in dir: Kote nou pou ganny lavyann pour manze? Nou ti byen Lezip. Alor, SENYER pou donn zot lavyann pour zot manze.

Akt de Zapot 5:10

Deswit Safira ti tonm ater lanmenm dan lipye Pyer e i ti mor. Kan sa bann zennzan ti retournen, zot ti war li mor. Alor, zot ti anmenn li e anter li akote son mari.

Akt de Zapot 5:5

Koman Ananyas ti antann sa bann parol, i ti tonm sek ater e i ti mor. Tou sa ki ti antann sa ki ti'n arive avek li ti ranpli avek lafreyer.