Egzod 19:20 - Labib An Kreol Seselwa

²⁰ SENYER ti desann lo latet montanny Sinai, e i ti apel Moiz lo latet montanny. Moiz ti monte.

Egzod 19:20 ပူးပေါင်းရင်းမြစ်များ

1 Rwa 19:11

Mesaze ti dir li, “Sorti! Prezant ou lo montanny devan SENYER.” Annefe, SENYER ti pe pase. En gro divan vyolan ti fann montanny, e kas bann ros an morso, devan SENYER; me SENYER pa ti dan divan. Apre divan, ti annan en tranblemandter; me SENYER pa ti dan tranblemandter.

Nehemi 9:13

Ou ti osi desann lo montanny Sinai. Depi lesyel, ou ti koz avek zot; ou ti donn zot bann regleman drwat, bann lalwa vre, bann lalwa ek bann komannman parfe.

Psonm 81:7

Dan ou maler ou ti kriye e mon ti vin sov ou. Mon ti reponn ou depi dan sekre loraz; mon ti teste ou kot sours Meriba.

Egzod 19:11

Zot ava met zot pare pour trwazyenm zour, akoz trwazyenm zour, SENYER pou desann lo montanny Sinai devan lepep antye.

Egzod 19:3

Moiz ti mont kot Bondye e SENYER ti apel li lo montanny. I ti dir li, “La sa ki ou pou dir desandan Zakob ek pep Izrael:

Egzod 24:15

Apre, Moiz ti mont lo montanny; en nyaz ti kouver sa montanny.

Egzod 24:18

Moiz ti penetre dan sa nyaz e i ti mont lo montanny. I ti reste lo montanny pandan 40 zour, 40 nwit.

Egzod 34:2

Met ou pare demen bomaten. Ou ava vin lo montanny Sinai bomaten, ou ava prezant ou devan mwan lo latet montanny.

Egzod 34:4

Alor, Moiz ti koup de plak ros parey sa de premye. I ti leve granmaten e al lo montanny Sinai parey SENYER ti'n ordonn li; i ti anmenn sa de plak ros dan son lanmen.

Deterononm 33:2

I ti dir: SENYER in vini sorti Sinai, i'n aparet lo kote Seir, i ti briye depi montanny Parann. Pour zot, in vini depi rasanbleman Kades avek bann milye lanz. Dan son lanmen drwat, i ti tenir flanbo lalwa.

Deterononm 9:9

Ler mon ti al lo montanny pour resevwar bann plak ros, bann plak lalyans ki SENYER ti'n fer avek zot, mon ti pas 40 zour, 40 nwit lo montanny, san manze ni bwar.