Egzod 19:18 - Labib An Kreol Seselwa

¹⁸ Montanny Sinai ti kouver avek lafimen, akoz SENYER ti'n desann dan en dife. Lafimen ti monte parey lafimen sorti dan en four e montanny antye ti tranble.

Egzod 19:18 ပူးပေါင်းရင်းမြစ်များ

Zenez 11:5

SENYER ti desann pour war sa lavil ek sa tour ki bann imen ti'n konstri.

Zenez 15:17

Kan soley ti'n kouse e fernwanr ti fer, en sel kou, en brazye kot ti sorti lafimen ek laflanm ti aparet e pas ant bann morso zannimo.

Zenez 19:28

I ti get dan direksyon Sodonm ek Gomor, e tou sa rezyon antye. I ti war lafimen monte sorti dan later, parey lafimen en fourno.

Nehemi 9:13

Ou ti osi desann lo montanny Sinai. Depi lesyel, ou ti koz avek zot; ou ti donn zot bann regleman drwat, bann lalwa vre, bann lalwa ek bann komannman parfe.

Psonm 104:32

I get later, e later in tranble; i tous bann montanny e zot ganny kouver avek lafimen.

Psonm 114:4

Montanny ti sote parey kabri, kolin parey zenn mouton.

Psonm 114:7

Later! Tranble devan SENYER, devan Bondye Zakob

Psonm 144:5

SENYER! Bes ou lesyel e desann. Tous bann montanny e lafimen ava kouver zot.

Psonm 18:9

I ti deroul lesyel e i ti desann avek en nyaz epe anba son lipye.

Psonm 68:9

Mon Bondye! Ou ti fer en kantite lapli tonbe partou; ou'n redonn lavi ou pep ki ti'n randi.

Psonm 77:18

Tapaz ou loraz ti roule dan en tourbiyon; ou zekler ti alim lemonn; later ti tranble e sekwe.

Psonm 77:19

Ou ti pas atraver lanmer; ou ti fer en semen atraver fon lanmer. Me personn pa'n war ou lepa.

Egzod 19:13

Personn pa pou tous sa dimoun koupab, me i ava ganny saboule avek ros oubyen fles. I kapab en zannimo oubyen en zonm; me i pa pou reste vivan. Kan zot ava antann tronpet soufle, zot ava vin kot montanny.”

Egzod 19:17

Apre, Moiz ti anmenn lepep an deor kan pour en rankont avek Bondye, e zot ti debout devan montanny.

Egzod 20:18

Tou lepep ti antann loraz, zekler, son tronpet; zot ti war lafimen lo montanny. Lepep ti war; zot ti tranble e zot ti debout, lwen.

Egzod 24:17

Devan lizye pep Izrael, laglwar prezans SENYER lo latet montanny ti parey en dife ki devor sa ki devan li.

Egzod 3:2

Lanz SENYER ti aparet avek li dan en laflanm dife, dan milye en zarbis. Moiz ti war ki sa zarbis ti anflanm, me i pa ti pe brile.

Egzod 34:2

Met ou pare demen bomaten. Ou ava vin lo montanny Sinai bomaten, ou ava prezant ou devan mwan lo latet montanny.

Ezai 6:4

Zot lavwa ti fer tranble bann laport lo zot gon e tanp ti ranpli avek lafimen.

Ezai 64:1

Si zis ou ti desir lesyel! Si ou ti desann! Bann montanny ti ava degrengole devan ou.

Zeremi 4:24

Mon ti gete: Bann montanny ti pe tranble, e bann kolin ti pe sekwe.

Habakouk 3:6

Kan i arete, later i tranble. I get bann nasyon, zot tranble. Bann montanny ansyen i fann an de; bann kolin ek bann santye ki la depi lontan, zot afese; zot ki otrefwa ti son semen.

Zakari 14:5

Alor, zot pou sove an pasan par vale montanny SENYER, akoz vale sa bann montanny pou al ziska Asal. Zot pou taye parey ler zot ti fer pour sov tranblemandter dan letan Ozyas, lerwa Zida. Apre sa, SENYER mon Bondye pou arive avek tou son bann lanz ki servi li.

Matye 24:7

akoz nasyon pou lager kont nasyon, rwayonm kont rwayonm. Pou annan lafanmin ek tranblemandter dan plizyer landrwa.

Deterononm 33:2

I ti dir: SENYER in vini sorti Sinai, i'n aparet lo kote Seir, i ti briye depi montanny Parann. Pour zot, in vini depi rasanbleman Kades avek bann milye lanz. Dan son lanmen drwat, i ti tenir flanbo lalwa.

Deterononm 4:36

Depi lesyel, in fer ou antann son lavwa, pour li koriz ou. In fer ou war son gran dife lo later; ou'n antann son lavwa sorti dan milye dife.

Deterononm 5:22

Sa i bann parol ki SENYER ti prononse avek en lavwa pwisan, devan tou sa bann ki ti'n rasanble lo montanny, dan milye dife, lafimen, e dan gro fernwanr. I pa ti azout nanryen. I ti ekri sa bann parol lo de plak ros ki i ti donn mwan.

Deterononm 5:4

SENYER ti koz avek zot fas a fas lo montanny, dan milye dife.

2 Tesalonisyen 1:7

Zot ki ti pe soufer, e nou osi, i pou donn nou repo. Sa pou arive, kan Senyer Zezi pou aparet dan lesyel avek son bann lanz pwisan.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Ebre 12:18

Zot pa ti apros keksoz ki zot ti kapab touse kan zot ti al ver montanny Sinai avek son dife feros, fernwanr, teneb, loraz.

Ebre 12:26

Otrefwa, son lavwa ti fer tranble later; me aprezan, i'n promet nou: Mon pou fer tranble ankor en fwa, non selman later, me osi lesyel.

2 Pyer 3:10

Pourtan, Zour Senyer pou arive koman en voler. Sa zour, lesyel pou disparet avek en gran fraka; bann zetwal pou fonn dan dife. Later avek tou aksyon bann zabitan, pou ganny zize.

Revelasyon 15:8

Tanp ti ranpli avek lafimen ki siny laglwar ek pwisans Bondye. Personn pa ti kapab antre dan Tanp, ziska ki sa set fleo ki ti avek sa set lanz ti'n ganny akonpli.

Revelasyon 9:2

Sa zetwal ti ouver labim e en lafimen ti monte sorti dan pwi, parey lafimen en gran fourno. Soley ek ler ti vin sonm avek sa lafimen ki ti sorti dan sa pwi.

Ziz 5:5

bann montanny ti afese devan SENYER; sa ti montanny Sinai, devan SENYER, Bondye Izrael.