Egzod 19:17 - Labib An Kreol Seselwa

¹⁷ Apre, Moiz ti anmenn lepep an deor kan pour en rankont avek Bondye, e zot ti debout devan montanny.

Egzod 19:17 ပူးပေါင်းရင်းမြစ်များ

Egzod 19:13

Personn pa pou tous sa dimoun koupab, me i ava ganny saboule avek ros oubyen fles. I kapab en zannimo oubyen en zonm; me i pa pou reste vivan. Kan zot ava antann tronpet soufle, zot ava vin kot montanny.”

Egzod 19:16

Bomaten, trwazyenm zour, ti annan loraz, zekler ek en nyaz epe lo montanny. Apre, ti annan en son tronpet byen for e tou dimoun dan kan ti tranble avek lafreyer.

Egzod 19:18

Montanny Sinai ti kouver avek lafimen, akoz SENYER ti'n desann dan en dife. Lafimen ti monte parey lafimen sorti dan en four e montanny antye ti tranble.

Levitik 9:5

Zot ti anmenn devan Latant Rankont tou sa ki Moiz ti'n demande. Alor, pep Izrael antye ti aprose e rasanble devan SENYER.

Akt de Zapot 7:38

Li menm ki ti la avek pep Izrael ki ti'n rasanble dan dezer. I ti la avek nou bann zanset e avek lanz ki ti koz avek li lo montanny Sinai. I ti resevwar bann parol lavi pour transmet avek nou.

Deterononm 4:10

Rapel zour ou ti debout devan SENYER, ou Bondye, lo montanny Horeb, ler SENYER ti dir mwan: Rasanble lepep devan mwan; mon oule fer zot antann mon bann parol, pour ki zot aprann annan respe anver mwan, tou le zour zot lavi lo later e pour zot ansenny osi zot bann zanfan.

Deterononm 4:11

Zot ti aprose e debout devan montanny ki ti anflanm ziska dan lesyel e kouver avek nyaz ek brouyar.

Deterononm 5:5

Dan sa letan, mon ti pe debout ant SENYER ek zot, pour fer zot konn bann parol SENYER; zot pa ti mont lo montanny, akoz zot ti per dife. SENYER ti dir: