Egzod 19:16 - Labib An Kreol Seselwa

¹⁶ Bomaten, trwazyenm zour, ti annan loraz, zekler ek en nyaz epe lo montanny. Apre, ti annan en son tronpet byen for e tou dimoun dan kan ti tranble avek lafreyer.

Egzod 19:16 ပူးပေါင်းရင်းမြစ်များ

2 Samyel 22:10

I ti deroul lesyel e i ti desann ek en nyaz epe anba son lipye.

2 Kronik 5:14

Akoz sa nyaz, bann pret pa ti kapab kontiny zot seremoni. Laglwar SENYER ti ranpli tanp Bondye.

Liv Zob 38:25

Lekel ki'n ouver en pasaz pour gro lapli tonbe? Lekel ki'n tras en semen pour loraz

Psonm 50:3

Nou Bondye pe vini, i pa pe gard silans. Devan li, en dife ki devor tou. Otour li, i annan en tanpet vyolan.

Psonm 77:18

Tapaz ou loraz ti roule dan en tourbiyon; ou zekler ti alim lemonn; later ti tranble e sekwe.

Psonm 81:8

Mon pep! Ekout mon lavertisman. Si selman Izrael ti oule ekout mwan!

Psonm 97:4

Bann zekler i ilimin lemonn; kan later i war sa, i tranble.

Egzod 19:11

Zot ava met zot pare pour trwazyenm zour, akoz trwazyenm zour, SENYER pou desann lo montanny Sinai devan lepep antye.

Egzod 19:15

I ti dir zot, “Met zot pare pour trwazyenm zour e pa bezwen ganny relasyon seksyel avek zot bann fanm.”

Egzod 19:17

Apre, Moiz ti anmenn lepep an deor kan pour en rankont avek Bondye, e zot ti debout devan montanny.

Egzod 19:9

SENYER ti dir Moiz, “Mon pe vin kot zot dan en nyaz epe, pour ki lepep ava kapab ekoute kan mon koz avek ou e pour ki zot ava krwar ou pour touzour.” Moiz ti dir SENYER tou sa ki lepep ti'n dir li.

Egzod 20:18

Tou lepep ti antann loraz, zekler, son tronpet; zot ti war lafimen lo montanny. Lepep ti war; zot ti tranble e zot ti debout, lwen.

Egzod 20:21

Lepep ti debout lwen pandan ki Moiz ti apros kot Bondye ti ete dan sa nyaz epe.

Egzod 40:34

Alor, en nyaz ti vin kouver Latant Rankont e laglwar SENYER ti ranpli sanktyer.

Egzod 9:23

Moiz ti lev son baton ver lesyel e SENYER ti anvoy loraz, lagrel ek dife lo later. SENYER ti fer en lapli lagrel tonbe lo Lezip.

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Nahoum 1:3

SENYER i pasyan e son pwisans i gran. SENYER pa zanmen fer en koupab pas pour inosan. I tras son semen atraver gro divan ek tanpet; bann nyaz i koman lapousyer anba son lipye.

Matye 24:31

I pou anvoy son bann lanz avek en gran tronpet. Zot ava rasanble bann ki'n ganny swazir dan kat kwen later, depi en bout ziska lot.”

Deterononm 5:5

Dan sa letan, mon ti pe debout ant SENYER ek zot, pour fer zot konn bann parol SENYER; zot pa ti mont lo montanny, akoz zot ti per dife. SENYER ti dir:

Ebre 12:21

Sa spektak ti sitan terib, ki Moiz ti dir: Mon tranble avek lafreyer.

Revelasyon 1:10

Zour Senyer, mon ti ganny sezi par Lespri. Mon ti antann en lavwa for deryer mwan parey son en tronpet,

Revelasyon 11:19

Alor, Tanp Bondye dan lesyel ti ouver, e Kof Lalyans ti aparet dan son Tanp. Ti annan zekler, tapaz en bann lavwa, en seri loraz, tranblemandter ek gro lagrel.

Revelasyon 4:1

Apre sa, mon ti regarde, e mon ti war en laport ouver dan lesyel. Sa lavwa ki ti sonn koman en tronpet, ki mon ti'n tande avan, ti dir mwan: Mont isi e mon ava fer ou war sa ki pou arive apre sa.

Revelasyon 4:5

Zekler, bann lavwa, ek tapaz loraz ti sorti depi sa tronn. Set flanbo ti pe brile devan sa tronn. Sa ti sa set Lespri Bondye.

Revelasyon 8:5

Apre, lanz ti pran lansanswar, e ranpli li avek dife sorti lo lotel e zet li lo later. Toudswit ti annan loraz, tapaz bann lavwa, zekler ek tranblemandter.