Egzod 19:11 - Labib An Kreol Seselwa

¹¹ Zot ava met zot pare pour trwazyenm zour, akoz trwazyenm zour, SENYER pou desann lo montanny Sinai devan lepep antye.

Egzod 19:11 ပူးပေါင်းရင်းမြစ်များ

Zenez 11:5

SENYER ti desann pour war sa lavil ek sa tour ki bann imen ti'n konstri.

Nehemi 9:13

Ou ti osi desann lo montanny Sinai. Depi lesyel, ou ti koz avek zot; ou ti donn zot bann regleman drwat, bann lalwa vre, bann lalwa ek bann komannman parfe.

Psonm 144:5

SENYER! Bes ou lesyel e desann. Tous bann montanny e lafimen ava kouver zot.

Psonm 18:9

I ti deroul lesyel e i ti desann avek en nyaz epe anba son lipye.

Egzod 19:16

Bomaten, trwazyenm zour, ti annan loraz, zekler ek en nyaz epe lo montanny. Apre, ti annan en son tronpet byen for e tou dimoun dan kan ti tranble avek lafreyer.

Egzod 19:18

Montanny Sinai ti kouver avek lafimen, akoz SENYER ti'n desann dan en dife. Lafimen ti monte parey lafimen sorti dan en four e montanny antye ti tranble.

Egzod 19:20

SENYER ti desann lo latet montanny Sinai, e i ti apel Moiz lo latet montanny. Moiz ti monte.

Egzod 24:16

Lalimyer prezans SENYER ti reste lo montanny Sinai. En nyaz ti kouver montanny pandan sis zour. Setyenm zour, Bondye ti apel Moiz dan milye nyaz.

Egzod 24:17

Devan lizye pep Izrael, laglwar prezans SENYER lo latet montanny ti parey en dife ki devor sa ki devan li.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Egzod 34:2

Met ou pare demen bomaten. Ou ava vin lo montanny Sinai bomaten, ou ava prezant ou devan mwan lo latet montanny.

Egzod 34:5

SENYER ti desann parmi bann nyaz e i ti debout akote Moiz. Moiz ti pro-klanm non SENYER:

Nonm 11:17

Mon pou desann e koz avek ou dan sa landrwa. Mon pou pran en pe lespri ki dan ou e met lo zot. Zot ava anmenn en pe ou responsabilite; ou pa bezwen anmenn pwa sa fardo ou tousel”.

Levanzil dapre Zan 3:13

Personn pa'n deza mont dan lesyel, eksepte Fis-de-Lonm ki'n desann sorti dan lesyel.

Levanzil dapre Zan 6:38

Mon'n sorti dan lesyel pour vin fer non pa mon prop volonte, me volonte sa enn ki'n anvoy mwan.

Deterononm 33:2

I ti dir: SENYER in vini sorti Sinai, i'n aparet lo kote Seir, i ti briye depi montanny Parann. Pour zot, in vini depi rasanbleman Kades avek bann milye lanz. Dan son lanmen drwat, i ti tenir flanbo lalwa.

Deterononm 4:10

Rapel zour ou ti debout devan SENYER, ou Bondye, lo montanny Horeb, ler SENYER ti dir mwan: Rasanble lepep devan mwan; mon oule fer zot antann mon bann parol, pour ki zot aprann annan respe anver mwan, tou le zour zot lavi lo later e pour zot ansenny osi zot bann zanfan.

Zozye 3:5

Alor, Zozye ti dir lepep, “Pirifye zot, akoz demen, SENYER pou fer bann mervey parmi zot.”