Egzod 19:10 - Labib An Kreol Seselwa

¹⁰ SENYER ti dir Moiz, “Al kot ou pep e dir zot pirifye zot ozordi ek demen, e fer zot lav zot lenz.

Egzod 19:10 ပူးပေါင်းရင်းမြစ်များ

Zenez 35:2

Alor, Zakob ti dir avek tou son fanmir e tou sa ki ti avek li, “Rezet tou bann bondye etranze, pirifye zot lekor e sanz zot lenz.

2 Samyel 19:24

Mefi-Boset, pti zanfan Sail, ti'n osi vin zwenn lerwa. Depi ki lerwa in ale, Mefi-Boset pa'n okip ni son lipye, ni koup son labarb, ni lav son lenz ziska ki lerwa in retournen ozordi sen e sof.

2 Kronik 29:34

Me, ti napa ase pret pour depouy tou sa bann zannimo pour sakrifis konplet. Alor, bann frer levit ti ed zot termin sa travay pandan ki lezot pret ti pirifye zot. Annefe, bann levit ti'n montre pli gran lentere ki bann pret dan zot travay.

2 Kronik 29:5

I ti dir zot: Ekout mwan, bann levit! Konsakre zot, e konsakre tanp SENYER, Bondye zot zanset. Retir tou bann lobze enpir ki trouv dan sanktyer.

Liv Zob 1:5

Kan bann zour lafet ti'n fini, Zob ti fer son bann garson vin kot li pour pirifye zot. I ti leve granmaten e ofer sakrifis pour sakenn zot; i ti dir dan li menm: Petet mon bann zanfan in fer pese e zot in modi Bondye dan zot leker! Zob ti toultan fer sa.

Levitik 11:25

Sa enn ki anmenn nenport ki parti en kadav sa bann zannimo, ava bezwen lav son lenz e i ava reste enpir ziska aswar:

Levitik 15:5

Tou dimoun ki tous son lili i devre lav son lenz, pran en ben; i ava reste enpir ziska aswar.

Nonm 11:18

“Dir avek lepep: Konsakre zot pour demen. Zot pou manz lavyann, akoz zot in mirmire dan zorey SENYER e zot in dir: Kote nou pou ganny lavyann pour manze? Nou ti byen Lezip. Alor, SENYER pou donn zot lavyann pour zot manze.

Nonm 19:19

Lo trwazyenm zour e lo setyenm zour, sa enn ki pir ava fer laspersyon delo lo sa bann dimoun ki enpir. Zot pou ganny pirifye lo setyenm zour. Apre, i ava lav son lenz ek son lekor dan delo e aswar, i ava vin pir.

Nonm 31:23

ava bezwen pas dan dife pour ganny pirifye. Me zot ava osi ganny pirifye avek delo pirifikasyon. Tou sa ki pa reziste dife ava pas dan delo.

Nonm 31:24

Setyenm zour, zot ava lav zot lenz e zot ava vin pir. Apre, zot ava kapab antre dan kan.

Nonm 8:21

Bann levit ti fer zot pirifikasyon e lav zot lenz. Aaron ti prezant zot parey en lofrann devan SENYER; i ti fer lo zot bann rityel pour pirifye zot.

Nonm 8:7

La koman ou ava fer rityel pirifikasyon: Fer aspersyon delo pirifikasyon lo zot; les zot raz zot lekor, lav zot lenz e pirifye zot.

1 Korentyen 6:11

Konmsa ki serten parmi zot ti ete. Me zot in ganny lave, pirifye, zistifye devan Bondye, lo non Senyer Zezi-Kri e par Lespri nou Bondye.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Zozye 3:5

Alor, Zozye ti dir lepep, “Pirifye zot, akoz demen, SENYER pou fer bann mervey parmi zot.”

Zozye 7:13

Leve aprezan! Konsakre lepep! Dir zot: Pirifye zot pour demen, akoz la sa ki SENYER, Bondye Izrael i deklare: Izrael! I annan parmi zot, bann byen ki mon ti'n donn lord pour detri. Zot pa pou kapab fer fas avek zot bann lennmi osi lontan ki zot pa fer disparet parmi zot, sa bann lobze ki mon'n donn lord pour detri.

Revelasyon 22:14

Byennere bann ki lav zot rob pour ki zot ganny drwa manz fri pye dibwa lavi, e antre dan lavil par laport.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.

1 Samyel 16:5

I ti dir, “Wi! Mon'n vin ofer SENYER en sakrifis. Pirifye zot, e vin avek mwan pour ofer sakrifis.” I ti osi demann Zese ek son bann garson pour pirifye zot e i ti envit zot pour ofer sakrifis SENYER.