Egzod 18:7 - Labib An Kreol Seselwa

⁷ Moiz ti sorti deswit pour al zwenn son boper. I ti prostern devan li e anbras li. Zot ti demann nouvel kanmarad; apre zot ti antre dan latant.

Egzod 18:7 ပူးပေါင်းရင်းမြစ်များ

Zenez 14:17

Kan Abranm ti retournen apre son laviktwar lo Kedorlaomer ek lezot lerwa ki ti avek li, lerwa Sodonm ti vin zwenn li dan Vale Save, setadir, Vale Lerwa.

Zenez 18:2

I ti lev lizye e i ti war trwa zonm pe debout devan li. Kan i ti war zot, i ti kit son latant e taye pour al zwenn zot e prosternen ziska ater.

Zenez 19:1

Ver aswar, sa de mesaze ti ariv Sodonm. Lot ti pe asiz kot laport lavil. Letan Lot ti war zot, i ti leve pour al zwenn zot. I ti prosternen ziska ater.

Zenez 29:13

Kan Laban ti antann koz lo Zakob, garson son ser, i ti depese pour vin rankontre li. I ti may li, anbras li e anmenn li se li. Zakob ti rakont Laban tou sa ki ti'n arive.

Zenez 31:28

Ou pa'n ni les mwan anbras mon bann garson ek mon bann fiy, ni dir zot orevwar. Ou'n azir dan fou.

Zenez 43:26

Kan Zozef ti ariv se li, zot ti donn li kado ki zot ti'n anmenn dan lakaz, e zot ti prosternen devan li lafas ater.

Zenez 45:15

An pleran, i ti anbras osi tou lezot son bann frer. Apre sa, zot ti reisi koz avek li.

Zenez 46:29

Zozef ti prepar son kales e mont Gosenn pour al rankontre son papa Izrael. De ki zot ti zwenn, i ti may li e plere pour en bon pe letan.

2 Samyel 11:7

Kan Iri ti arive, David ti demann li nouvel Zoab, bann solda, e koman lager pe deroule.

1 Rwa 2:19

Alor, Batseba ti al kot Salomon pour koz an faver Adoniya. Lerwa ti leve pour al zwenn li e prosternen avek respe devan son manman. Apre, i ti asiz lo son tronn e fer poz en tronn lo son kote drwat; son manman ti asiz lo la.

Psonm 2:12

rekonnet son garson; pangar i pran lakoler e ki ou mor dan semen. Akoz son lakoler i mont fasilman. Byennere sa enn ki met son konfyans dan SENYER.

Egzod 18:6

I ti fer dir Moiz, “Mwan Zetro ou boper, mon'n vin kot ou avek ou fanm ek ou de garson.”

Egzod 33:7

Moiz ti dres latant lwen avek kan. I ti apel li Latant Rankont. Tou dimoun ki ti oule konsilte SENYER, ti al kot Latant Rankont, an deor kan.

Egzod 4:27

SENYER ti dir Aaron, “Al rankontre Moiz dan dezer.” Aaron ti ale. I ti rankontre Moiz lo montanny Bondye. I ti anbras li.

Nonm 22:36

Kan Balak ti tande ki Balaanm pe vini, i ti al rankontre li ziska lavil Moab ki obor larivyer Arnon, ki lo frontyer son teritwar.

Levanzil dapre Lik 7:45

Kan mon ti antre, ou pa ti anbras mwan. Me li, depi ki mon'n arive, i pa'n arete anbras mon lipye.

Akt de Zapot 20:37

Tou dimoun ti plere, ser Pol dan zot lebra e anbras li, pou dir li adye.

Akt de Zapot 28:15

Bann frer dan lavil ti'n ganny nou nouvel e zot ti vin ziska Bazar Apiyis ek Trwa Tavern. Kan Pol ti war zot, i ti remersye Bondye e repran kouraz.

Ziz 11:34

Ler Zefte ti pe retourn kot li Mispa, son fiy ti sorti pour rankontre li avek bann tanbouren ek ladans. Sa fiy ti son sel zanfan. Apard li, Zefte ti napa okenn garson ni fiy.

1 Samyel 17:18

Anmenn osi dis fromaz pour zot sef 100. Pran zot nouvel e anmenn keksoz pour montre mwan ki zot port byen.

1 Samyel 17:22

David ti kit son provizyon avek gardyen bagaz e tay dan ran lager pour demann son bann frer zot nouvel.