Egzod 18:21 - Labib An Kreol Seselwa

²¹ Ou ava swazir bann zonm kapab parmi lepep, bann zonm ki annan respe pour Bondye, bann zonm ki ou kapab fer konfyans e ki pa malonnet. Plas zot koman sef group 1,000, 100, 50 ek group 10.

Egzod 18:21 ပူးပေါင်းရင်းမြစ်များ

Zenez 22:12

Lanz SENYER ti dir, “Pa fer nanryen sa garson, pa fer li okenn dimal. Aprezan, mon konnen ki ou annan respe pour Bondye, e ki ou pa'n refize ofer mwan ou garson, ou sel garson.”

Zenez 42:18

Trwazyenm zour, Zozef ti dir zot, “La sa ki fodre zot fer pour zot reste vivan. Mon annan respe pour Bondye:

Zenez 47:6

Lezip i ou pei. Fer ou papa ek ou bann frer etabli zot dan meyer landrwa. Etabli zot dan Gosenn, e si i annan okenn bann zonm kapab, met zot ansarz mon bann troupo.”

2 Samyel 18:1

David ti fer lenspeksyon bann zonm ki ti avek li. I ti nonm bann sef 1,000 ek 100.

2 Samyel 23:3

Bondye Izrael in koze; Ros protekter Izrael in dir mwan: Sa enn ki gouvernen bann et imen avek zistis, sa enn ki gouvern avek respe anver Bondye,

1 Rwa 18:12

Kan ki mon pou kit ou, lespri SENYER pou pran ou e anmenn ou, mon pa konnen kote; ler mon ava al fer mon rapor avek Akab, i pou touy mwan akoz i pa'n war ou, menm si mon annan gran respe pour SENYER depi mon lanfans.

1 Rwa 18:3

Akab ti apel Abdyas, sef dan pale. Abdyas ti en zonm ki ti annan gran respe pour SENYER.

Esdras 7:25

Kanta ou, Esdras, dapre lasazes ou Bondye ki ou posede, etabli bann ziz ek mazistra pour ki zot rann lazistis lo tou dimoun ki reste lo lot kote larivyer Efrat e tou bann ki konn lalwa ou Bondye; ansenny sa bann ki pa konnen.

Nehemi 5:9

Alor, mon ti dir zot, “Sa ki zot pe fer i pa byen. Zot devre viv dan respe anver Bondye, pour zot pa ganny kraze par lezot nasyon, par nou bann lennmi.

Nehemi 7:2

Mon ti donn mon bann lord avek mon frer Hanani, e avek Hananya, sef sitadel Zerizalenm, ki ti en zonm fidel ki ti annan gran respe pour Bondye, plis ki bokou lezot.

Liv Zob 1:1

Dan pei Ous, ti annan en zonm ki ti apel Zob. I ti en zonm zis e drwat. I ti annan gran respe pour Bondye e i ti evite fer sa ki mal.

Liv Zob 29:16

Mon ti en papa pour bann pov, mon ti defann drwa bann etranze.

Liv Zob 31:13

Si mon ti rezet drwa mon bann travayer ler zot ti met en konplent kont mwan,

Psonm 15:1

SENYER! Lekel ki kapab ganny resevwar dan ou tanp? Lekel ki kapab vin reste lo ou montanny sen?

Psonm 15:5

I pret larzan san demann okenn lentere; i pa aksepte gous pour akiz en inosan. Sa enn ki fer tousala, pa pou zanmen tonbe.

Egzod 17:9

Moiz ti dir Zozye, “Swazir bann zonm kapab, e al lager kont Amalek. Demen, nou ava debout lo latet montanny avek baton SENYER dan lanmen.”

Egzod 18:25

Moiz ti swazir bann dimoun kapab parmi pep Izrael. I ti met zot ansarz son pep. Ti annan sef group 1,000, sef 100, sef 50 ek sef 10.

Proverb 28:2

Ler i annan bokou dirizan, en pei i revolte, me avek en sef ki annan disernman, lord i rennyen.

Eklezyas 12:13

Ekout konklizyon tousala: Annan respe pour Bondye e obei son komannman. La sa ki tou et imen i devre fer.

Ezai 16:5

Alor, par ou fidelite, en tronn pou ganny etabli. Parmi desandan David, en dirizan pou leve ki pou gouvern avek lazistis e avek ladrwatir.

Ezai 33:15

Sa ki mars drwat e ki dir laverite, ki refiz bann lavantaz ki i'n gannyen par lafors, ki refiz pran gous, ki bous son zorey pour li pa ekout proze kriminel e ki ferm son lizye pour li pa war mesanste.

Ezai 59:4

Personn pa port plent dapre lazistis; personn pa defann dapre laverite; zot pled dan vid, zot koz manti; zot konsevwar sa ki mal e zot anmenn maler.

Zeremi 5:1

Zabitan Zerizalenm! Patrol dan bann lari lavil! Ouver zot lizye! Gete dan bann plas piblik! Gete si zot war en sel dimoun ki fer sa ki drwat e ki esey reste fidel anver Bondye. Si ou reisi, alor SENYER ava pardonn Zerizalenm.

Ezekyel 18:8

I pa pret son larzan avek lentere; ni egziz en profi lo la. I evit bann move pratik e i donn en bon zizman dapre lazistis.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Zakari 7:9

La sa ki SENYER liniver i deklare: Rann bann vre zizman; pratik labonte ek konpasyon antre zot.

Zakari 8:16

La sa ki zot devre fer: Koz laverite avek ou prosen; devan tribinal, rann bann zizman korek.

Nonm 1:16

Sa ti non bann ki ti'n ganny swazir parmi kominote Izrael, bann dirizan dan zot tribi; zot ti sef dan zot klan.

Nonm 1:4

Pran avek ou, en zonm dan sak tribi, sef dan fanmir son klan.

Nonm 10:4

Me ler ou sonn zis en tronpet, zis bann responsab ek bann sef tribi Izrael ki pou rasanble devan ou.

Levanzil dapre Lik 18:2

I ti dir, “Ti annan dan en lavil, en ziz ki pa ti ni annan respe pour Bondye, ni pran ka pour personn.

Levanzil dapre Lik 18:4

Pour en bon pe letan, sa ziz ti refize. Me apre i ti dir dan li menm: I vre ki mon napa respe pour Bondye e ki mon pa pran ka pour personn.

Akt de Zapot 20:33

Mon pa'n zanmen anvi ni larzan, ni lor, ni lenz personn.

Akt de Zapot 6:3

Alor, mon bann frer! Swazir set zonm parmi zot, ki annan bon repitasyon, ranpli avek Lespri Sen e bokou lasazes. Nou, nou ava donn zot sa responsabilite.

Deterononm 22:18

Bann ansyen sa lavil ava sezi sa zonm e fwet li.

1 Timote 3:3

Fodre pa ki i en bwarer, ni vyolan, me ki i annan en karakter dou, kontan lape, e pa kontan larzan.

Zozye 22:14

Dis responsab lepep ti akonpanny li, enn par sak tribi. Zot tou, zot ti bann sef fanmir dan bann klan Izrael.

1 Samyel 8:12

I pou nonm en bann koman sef 1,000 e sef 50. I pou pran en bann pour kiltiv son plantasyon, e rekolte son bann prodwi; en lot bann pou travay dan fabrikasyon zarm lager ek bann lekipman pour kales.

1 Samyel 8:3

Bann garson Samyel pa ti swiv legzanp zot papa. Zot ti les zot ganny tante par larzan; zot ti aksepte gous, e pas fo zizman.