Egzod 18:11 - Labib An Kreol Seselwa

¹¹ Aprezan, mon konnen ki SENYER i pli gran ki tou bann bondye, akoz in delivre son pep dan lanmen bann Ezipsyen ki ti pe maltret zot avek larogans.”

Egzod 18:11 ပူးပေါင်းရင်းမြစ်များ

1 Rwa 17:24

Sa fanm ti dir Eli, “Aprezan mon konnen ki ou vreman en profet Bondye, e ki Parol Bondye ki ti sorti dan ou labous i laverite.”

2 Rwa 5:15

Naaman ti retourn kot profet Bondye, ansanm avek tou son lantouraz. Ler i ti'n arive, i ti debout devan li. I ti dir, “Aprezan, mon konnen ki napa okenn Bondye lo later antye, zis dan Izrael. Mon demann ou aksepte sa kado ki sorti kot ou serviter.”

1 Kronik 16:25

SENYER i gran e merit ganny loue. I pli terib ki tou lezot bondye.

2 Kronik 2:5

Sa tanp ki mon pou konstri i devret gran, akoz nou Bondye i pli gran ki tou lezot bondye.

Nehemi 9:10

Ou ti fer bann siny ek bann mervey kont Faraon, kont tou son bann serviter ek tou zabitan son pei, akoz ou ti konnen ki zot ti ensolan anver nou bann zanset. Ou'n fer ou renonmen ziska ozordi.

Nehemi 9:16

Me nou bann zanset ti arogan e zot ti revolte. Zot pa ti obei ou bann komannman.

Nehemi 9:29

Ou ti sipliy zot ankor, pour obeir ou lalwa. Me zot ti vin arogan e zot pa ti obei ou bann komannman. Zot ti fer pese kont ou bann regleman ki donn lavi sa enn ki met zot an pratik. Zot ti rebel e arogan; zot ti refize obei ou.

Psonm 119:21

Ou reprimann bann arogan, bann modi ki mars lwen avek ou komannman.

Psonm 135:5

Mwan, mon konnen ki SENYER i gran; nou SENYER i par lao tou lezot bondye.

Psonm 31:23

Zot son bann fidel! Kontan SENYER. SENYER i protez sa enn ki fidel anver li; me i fer bann arogan pey doub.

Psonm 95:3

SENYER i en gran Bondye; i en gran Lerwa par lao tou bann bondye.

Psonm 97:9

Annefe, ou menm SENYER, Bondye Treo, par lao later! Ou ganny eleve par lao tou bondye.

Egzod 1:10

Nou bezwen azir avek lasazes anver zot, pour ki zot pa ogmante. Si en lager i deklare, zot ava kapab zwenn avek nou bann lennmi pour lager kont nou, apre sove dan pei.”

Egzod 1:16

“Kan zot ava pe asiste en fanm Ebre dan lakousman, si i ganny en pti garson, touy li; me si i ganny en pti fiy les li viv.”

Egzod 1:22

Alor, Faraon ti donn sa lord lepep antye, “Zot devre zet dan larivyer Nil, tou pti garson Izraelit ki ne; zot ava les viv tou bann pti fiy.”

Egzod 10:3

Alor, Moiz avek Aaron ti al kot Faraon ankor. Zot ti dir li, “La sa ki SENYER Bondye bann Ebre i deklare: Ziska kan ou pou refize imilye ou devan mwan? Les mon pep ale pour zot al servi mwan.

Egzod 12:12

Sa swar, mon pou travers Lezip e mon pou touy tou premye ne dan Lezip, dimoun koman zannimo. Mon pou egzekit zizman lo bann bondye Ezipsyen: Mwan menm SENYER.

Egzod 14:18

Bann Ezipsyen ava konnen ki mwan menm SENYER, kan zot ava war mon grander atraver Faraon, son bann kales lager ek son bann kavalye.”

Egzod 14:8

SENYER ti andirsi leker Faraon, lerwa Lezip, ki ti pourswiv pep Izrael. Pep Izrael ti'n sorti lib, anba proteksyon Bondye.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 5:2

Faraon ti dir, “Lekel li sa SENYER pour ki mon devre ekoute e les pep Izrael ale? Mon pa konn sa SENYER. Mon pa pou les pep Izrael ale.”

Egzod 5:7

“Pa bezwen donn lapay bann Izraelit pour fer brik parey avan. Les zot al anmas zot lapay zot menm.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Nonm 33:4

ki ti pe anter bann premye ne ki SENYER ti'n touye. SENYER ti egzekit son bann zizman kont bann bondye Lezip.

Levanzil dapre Lik 1:51

Par lafors son lebra, i'n montre son pouvwar. I'n dispers bann ki annan lorgey dan profon zot leker.

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.

1 Pyer 5:5

Demenm, zot bann zennzan! Obei bann ki pli aze ki zot. Montre bokou limilite dan zot relasyon avek kanmarad. Annefe, Lekritir i deklare: Bondye i kont bann orgeye, me i bon anver bann ki annan limilite.

1 Samyel 2:3

Aret koz parol arogan; pa les parol ensolan sorti dan ou labous, akoz SENYER i en Bondye ki konn tou. I ziz tou aksyon ki dimoun i fer.