Egzod 17:12 - Labib An Kreol Seselwa

¹² Me lebra Moiz ti fatige; zot ti pran en ros e met li asiz lo la. Aaron ek Hour ti tenir son lebra, enn lo sak kote. Alor, son de lebra ti reste anler ziska soley kouse.

Egzod 17:12 ပူးပေါင်းရင်းမြစ်များ

Psonm 35:3

Pran ou lans ek ou sagay kont sa bann ki pe persekit mwan. Dir mwan: Mwan menm ou sover.

Egzod 17:11

Kan Moiz ti lev son lanmen, Izrael ti pli for, e kan i ti bes son lanmen, bann Amalesit ti pli for.

Egzod 17:13

Zozye ti ganny laviktwar lo bann Amalesit ki i ti masakre par lepe.

Egzod 24:14

I ti'n dir avek bann ansyen: Esper nou isi ziska ki nou retournen. Aaron ek Hour ava reste avek zot. Si okenn parmi zot i annan en problenm pour regle, al war zot.

Ezai 35:3

Redonn lafors bann lanmen ki fatige; rann solid bann zenou ki pe tranble.

2 Korentyen 1:11

Alor, zot osi, ed nou par zot lapriyer, pour ki sa lagras ki nou'n gannyen par lentersesyon bokou dimoun, ava osi en size remersiman pour plizyer dimoun.

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

Filipyen 1:19

akoz mon konnen ki mon pou ganny libere par zot lapriyer e avek led Lespri Zezi-Kri.

Kolosyen 4:2

Persevere dan lapriyer; reste vizilan dan lapriyer ki zot adres Bondye avek rekonesans

1 Tesalonisyen 5:25

Mon bann frer ek ser! Priy osi pour nou.

Ebre 12:12

Pour sa rezon, lev zot lanmen fatige e fortifye zot zenou ki pe tranble.

Let Zak 1:6

Me fodre ki i demann avek lafwa, san doute, akoz en dimoun ki doute i parey laroul lo lanmer ki divan i anmennen e pous dan tou direksyon.

Zozye 8:26

Zozye pa ti bes lapwent son lans ziska ki zot ti'n fini touy tou bann zabitan Ai.