Egzod 16:6 - Labib An Kreol Seselwa

⁶ Alor, Moiz ek Aaron ti dir pep Izrael, “Tanto, zot pou konnen ki SENYER ki ti fer zot sorti Lezip,

Egzod 16:6 ပူးပေါင်းရင်းမြစ်များ

Psonm 77:20

Par lanmen Moiz ek Aaron, ou'n gid ou pep parey en troupo.

Psonm 81:11

Me mon pep pa ti ekout mon lavwa. Izrael ti refize obeir mwan.

Egzod 12:51

Sa menm zour, SENYER ti delivre pep Izrael Lezip, organize an group koman en larme.

Egzod 16:3

Pep Izrael ti dir zot, “Plito SENYER ti'n touy nou depi Lezip kot nou ti asiz devan bann marmit lavyann, kot nou ti manz dipen nou vant plen. Ou'n anmenn sa pep antye dan dezer pour li mor lafen.”

Egzod 16:8

Moiz ti dir, “SENYER pou donn zot lavyann pour manze tanto e demen bomaten i pou donn zot dipen, akoz i'n antann zot mirmire kont li. Pa kont nou ki zot pe konplent e mirmire, me kont SENYER.”

Egzod 32:1

Bann Izraelit ti war ki Moiz ti pe tarde desann sorti lo montanny; zot ti rasanble otour Aaron. Zot ti dir li, “Fer pour nou, bann bondye ki mars devan nou. Annefe, nou pa konnen ki'n arive avek sa Moiz, sa zonm ki ti fer nou sorti Lezip.”

Egzod 32:11

Me Moiz ti sipliy avek SENYER, son Bondye, “SENYER akoz ou pran sa gran lakoler kont ou pep ki ou ti fer sorti Lezip avek gran pwisans e par ou lanmen for?

Egzod 32:7

SENYER ti dir Moiz, “Desann toudswit. Sa pep ki ou ti fer sorti Lezip in koronpi.

Egzod 6:6

Alor, dir bann Izraelit: Mwan menm SENYER, mon pou tir zot anba latas bann Ezipsyen e mon pou delivre zot anba lesklavaz ki zot pe sibir. Par mon pwisans, par mon bann gran zizman, mon pou liber zot.

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Nonm 16:28

Moiz ti dir: La koman zot ava rekonnet ki SENYER in anvoy mwan pour fer tousala e ki mon pa'n fer nanryen lo mwan menm.

Nonm 16:30

Me si SENYER i fer en keksoz ekstraordiner, si later i ouver e anval zot avek tou sa ki zot posede, si zot desann vivan dan lemonn lanmor, alor zot ava konpran ki sa bann dimoun in mepriz SENYER.