Egzod 16:29 - Labib An Kreol Seselwa

²⁹ Gete! SENYER in donn zot saba; sizyenm zour in donn zot dekwa manze pour de zour. Setyenm zour, sakenn ava reste se li; personn pa devre sorti.”

Egzod 16:29 ပူးပေါင်းရင်းမြစ်များ

Nehemi 9:14

Ou'n fer zot konn ou saba sakre e par lentermedyer Moiz, ou serviter, ou'n ansenny zot ou bann komannman, regleman ek lalwa.

Egzod 16:28

SENYER ti dir Moiz, “Ziska kan eski zot pou refize gard mon bann komannman ek mon bann lalwa?

Egzod 16:30

Alor lepep ti repoze setyenm zour.

Egzod 31:13

Ou menm, koz avek pep Izrael: Sirtou zot devre obzerv mon bann saba, akoz sa i en siny ant mwan ek zot, zenerasyon apre zenerasyon, pour zot konnen ki mwan, SENYER, ki konsakre zot.

Ezekyel 20:12

Mon ti osi donn zot mon bann saba koman en siny ant mwan ek zot, pour ki zot konnen ki mwan SENYER ki rann zot sen.

Levitik 25:21

Pandan sizyenm lannen, mon pou donn zot mon benediksyon ki ava prodwir rekolt neseser pour 3 an.

Matye 24:20

Priye ki tousala pa ariv pandan sezon liver, ni en zour saba.

Levanzil dapre Lik 23:56

Alor, zot ti retourn se zot e zot ti prepar bann aromat ek parfen. Zour saba, zot ti repoze, parey lalwa i ordonnen.