Egzod 15:6 - Labib An Kreol Seselwa

⁶ Ou lanmen drwat SENYER, i gran par son pwisans. Ou lanmen drwat SENYER, in kraz lennmi.

Egzod 15:6 ပူးပေါင်းရင်းမြစ်များ

Psonm 17:7

Montre mwan ou fidelite. Ou ki sov bann ki vin pran refiz kot ou, kont zot bann ladverser.

Psonm 2:9

Ou pou diriz zot avek en baton an fer; ou pou kas zot an morso parey en po later.

Psonm 24:8

Lekel sa gran lerwa? Sa i SENYER ki for e pwisan. Li menm SENYER ki viktorye dan konba.

Psonm 44:3

Pa avek zot lepe ki zot ti ganny sa pei; pa avek zot lafors, ki zot ti ganny laviktwar. Me par ou lanmen, par ou lafors, par lalimyer ou prezans, akoz ou ti kontan zot.

Psonm 44:4

Mon Bondye! Ou ki mon lerwa. Donn laviktwar Zakob.

Psonm 60:5

Par ou pwisans, donn nou laviktwar; reponn nou e delivre bann ki ou kontan.

Psonm 74:11

Akoz ou pa lev ou lanmen drwat? Akoz ou reste lebra krwaze?

Psonm 77:10

Mon dir dan mwan menm: Sa ki bles mwan, se ki Bondye Treo in sanz son fason fer.

Psonm 89:14

Lazistis ek ladrwatir i fondasyon ou tronn. Fidelite ek lwayote i mars devan ou.

Psonm 98:1

Sant en kantik nouvo an loner SENYER, akoz in fer en kantite mervey; akoz son lanmen drwat ek son lebra sen in ranport laviktwar.

Egzod 15:11

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Egzod 15:12

Ou ti lev ou lanmen drwat e later ti anval zot.

Egzod 15:16

Lafreyer ek laper in tonm lo zot. Par lafors ou lebra, zot perdi laparol, parey en ros, ziska ki ou pep SENYER, in fini pase, ziska ki sa pep SENYER, ki ou'n sove, in fini pase.

Egzod 18:8

Moiz ti rakont son boper tou sa ki SENYER ti fer avek Faraon ek bann Ezipsyen akoz pep Izrael. I ti rakont li osi tou bann difikilte ki i ti'n pas ladan dan semen e ki mannyer SENYER ti'n delivre zot.

Egzod 3:20

Mon pou servi mon lafors e pini Lezip avek toudsort aksyon ekstraordiner. Apre sa, i pou les zot ale.

Egzod 6:1

SENYER ti dir Moiz, “Aprezan, ou ava war ki mon pou fer avek Faraon: Par pwisans mon lanmen ki i pou les ale mon pep, par pwisans mon lanmen ki i pou sas zot dan son pei.”

Ezai 30:14

Sa miray in ganny kraze san pitye parey potis later en potye; in ganny kase an pti morso; i pa bon pour pran labrez dan reso, ni pour al pran delo dan sitern.

Ezai 51:9

Leve! Leve! Lebra SENYER! Pran lafors! Leve parey dan letan pase! Dan letan bann zenerasyon pase! Pa ou ki ti touy Rahab e transpers dragon?

Ezai 52:10

SENYER in montre lafors son lebra devan tou bann nasyon; e later antye pou war ki mannyer nou Bondye i sov son pep.

Ezai 63:12

Pandan lamars, lekel ki ti soutenir Moiz par son lebra pwisan? I ti separ lanmer devan zot pour li fer son non ganny renonmen pour touzour.

Zeremi 13:14

Mon pou bat zot latet ansanm, papa kont zanfan, SENYER i deklare. Personn pa pou ganny eparnyen. Mon pa pou annan okenn bonte, okenn pitye, okenn konpasyon. Personn pa pou anpes mwan detri zot.

Matye 6:13

Pa les nou tonm dan tantasyon. Me delivre nou kont ladverser. Akoz ou ki posed larwayote, pwisans ek mazeste pour touzour. Amenn.

Revelasyon 2:27

Avek en baton an fer, i pou diriz zot; i pou kas zot an morso parey bann po later.

1 Samyel 2:10

Bann lennmi SENYER pou ganny detri. I pou kraz zot avek loraz sorti dan lesyel; SENYER pou ziz later antye. I pou donn pwisans son lerwa, ogmant pouvwar sa enn ki'n resevwar son lonksyon.