Egzod 15:5 - Labib An Kreol Seselwa

⁵ Fon lanmer ti kouver zot. Zot ti koul apik dan profonder parey en ros.

Egzod 15:5 ပူးပေါင်းရင်းမြစ်များ

Nehemi 9:11

Ou ti ouver lanmer devan zot; zot ti travers lanmer lo later sek. Me bann ki ti pe pourswiv zot, ou ti anglouti dan profonder, parey en ros ki tonm dan fon lanmer.

Psonm 106:11

Delo ti kouver zot bann ladverser; personn pa ti sape.

Egzod 14:28

Delo ti retournen e kouver bann kales lager, bann kavalye ek larme Faraon ki ti'n antre dan lanmer, deryer bann Izraelit. Pa ti reste en sel parmi zot.

Egzod 15:10

Ou ti fer soufle ou divan e lanmer ti kouver zot. Zot ti koule parey diplon dan en lanmer formidab.

Egzod 15:16

Lafreyer ek laper in tonm lo zot. Par lafors ou lebra, zot perdi laparol, parey en ros, ziska ki ou pep SENYER, in fini pase, ziska ki sa pep SENYER, ki ou'n sove, in fini pase.

Proverb 8:24

Mon'n ganny met omonn avan bann losean, ler ti napa okenn larivyer avek bokou delo.

Ezekyel 27:34

Aprezan, ou'n ganny kraze par gro laroul. Gro lanmer in kouver ou, tou ou marsandiz ek ou lekipaz in koul avek ou dan fon lanmer.

Zonas 2:2

Dan mon dezespwar mon ti apel ou SENYER e ou ti reponn mwan. Depi dan profonder lanmor mon ti kriy osekour, e ou ti reponn mwan.

Mise 7:19

Ou pou pran ankor konpasyon pour nou. Ou pou met nou pese anba ou lipye. Ou pou zet nou pese dan profonder lanmer.

Matye 18:6

“Me sa dimoun ki fer tonm dan pese enn sa bann pti zanfan ki krwar dan mwan, ti ava preferab pour li, ki en gro ros i ganny anmare otour son likou e ki i ganny zete dan fon lanmer.

Revelasyon 18:21

Alor, en lanz pwisan ti pran en gro ros ki i ti zet dan lanmer. I ti dir: La ki mannyer sa gran lavil Babilonn pou ganny zete avek menm vyolans. Personn pa pou trouv li ankor.