Egzod 15:27 - Labib An Kreol Seselwa

²⁷ Zot ti ariv Elim kot ti annan 12 sours delo e 70 pye palm. Zot ti kanp la, obor delo.

Egzod 15:27 ပူးပေါင်းရင်းမြစ်များ

Psonm 23:2

I fer mwan repoz dan laplenn zerb ver. I anmenn mwan ver delo trankil.

Egzod 16:1

Apre ki zot ti'n kit Lezip, pep Izrael ti sorti Elim e ariv dezer Sin, ki ant Elim ek Sinai, kenzyenm zour dan dezyenm mwan.

Ezai 12:3

Avek lazwa, ou pou tir delo dan bann sours lavi.

Ezekyel 47:12

Me lo de bor larivyer, tou kalite pye fri pou pouse. Son bann fey pa pou zanmen fletri e i pou touzour donn fri. Zot pou raport fri sak mwan, akoz i pou ganny aroze avek delo ki sorti dan tanp. Son fri pou ganny servi pour nouritir e son feyaz pour remed.

Nonm 33:9

Sorti Mara, zot ti al kanpe Elim, kot ti annan 12 sours delo ek 70 pye palm.

Revelasyon 22:2

I ti koul dan milye lari dan lavil. Lo de bor sa larivyer, ti annan pye dibwa lavi ki prodwi 12 rekolt, en rekolt par mwan. Fey sa pye dibwa i servi pour geri tou bann nasyon.

Revelasyon 7:17

Annefe, Zenn Mouton ki dan milye tronn pou vin zot berze e i pou gid zot kot sours delo ki donn lavi. Bondye pou eswiy tou larm dan zot lizye.”