Egzod 15:26 - Labib An Kreol Seselwa

²⁶ I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Egzod 15:26 ပူးပေါင်းရင်းမြစ်များ

1 Rwa 11:33

Sa i akoz i'n abandonn mwan e i al ador Astarte, bondye bann Sidonit, Kemos bondye Moab, ek Milkonm bondye bann Amonit. I pa'n mars dapre mon volonte, i pa'n fer sa ki byen devan mwan pour gard mon lalwa ek komannman parey son papa David.

1 Rwa 11:38

Si ou ekout tou sa ki mon ordonn ou, e ki ou mars dapre mon volonte, e fer sa ki byen an gardan mon bann lalwa ek mon bann komannman, parey mon serviter David, mon pou avek ou e mon pou etabli ou desandan byen ferm, parey mon'n fer pour David, e mon ava donn ou Izrael.

2 Rwa 2:21

Elize ti al kot sours delo e zet disel. I ti dir, “La sa ki SENYER i deklare: La mon fer sa delo prop. Personn pa pou mor ni fer fos kous akoz li.”

2 Rwa 20:5

“Retournen, e dir Ezekyas, sef mon pep: La sa ki SENYER, Bondye ou papa David i deklare: Mon'n antann ou lapriyer, mon'n war ou larm. Mon pou geri ou; dan trwa zour ou pou mont dan tanp SENYER.

2 Rwa 22:2

Zozyas ti fer sa ki fer plezir SENYER e swiv semen son papa, David, san ekarte, ni adrwat ni agos.

Liv Zob 5:18

Bondye ki blese e ki panse. Sa enn ki i fer soufer, son lanmen i geri.

Psonm 103:3

I pardonn tou ou bann fot e i geri tou ou bann maladi.

Psonm 147:3

I geri bann ki leker in perdi lespwar. I pans zot bann blesir.

Psonm 81:9

I pa devre annan bondye etranze parmi zot; ou pa devre ador okenn bondye etranze.

Egzod 12:29

Minwi, SENYER ti touy tou bann premye ne dan Lezip, depi premye ne Faraon ki asiz lo son tronn, ziska premye ne sa prizonnyen dan son kaso, e premye ne bann zannimo.

Egzod 19:5

Apartir ozordi, si zot ekout mwan e gard mon lalyans, zot pou vin mon prop posesyon parmi tou bann pep. Later antye i pour mwan.

Egzod 19:6

Zot ava vin en rwayonm pret e en nasyon sen pour mwan. Sa i bann parol ki ou pou dir avek zanfan pep Izrael.”

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Egzod 23:25

Zot ava ador SENYER zot Bondye e i ava beni zot dipen ek zot delo. Mon pou elwanny tou maladi parmi zot.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Ezai 57:18

Mon ti war son bann fason fer; me mon pou geri li; mon pou kondwir li e rekonpans li avek konsolasyon e osi tou bann ki port dey pour li.

Zeremi 11:7

Annefe, depi letan mon ti fer zot zanset sorti dan pei Lezip e ziska ozordi, mon pa'n zanmen arete demann zot pou obei mon lavwa.

Zeremi 17:24

Me si zot obei mwan, SENYER i deklare, si zot pa transport okenn pake dan lavil sa zour ki en zour repo; si zot pa fer okenn travay sa zour la,

Zeremi 30:17

Me mon pou swanny ou bann blesir, ou pou geri, SENYER ki deklare.

Zeremi 33:6

Malgre sa, mon pou swanny sa lavil e mon pou geri son bann zabitan e fer zot viv dan lape e an sekirite.

Zeremi 7:23

Me mon ti zis ordonn zot obei mwan. Konmsa, mon ava zot Bondye e zot ava mon pep. Mon ti osi dir zot viv dapre lord ki mon'n donn zot. Konmsa, zot ava viv ere.

Zeremi 8:22

Eski nepli annan remed dan Galaad? Nepli annan dokter laba? Akoz ki blesir mon pep pa'n geri?

Ezekyel 18:5

En dimoun zis ki azir dapre lazistis e ki fer sa ki byen,

Oze 11:3

Me mwan ki ti montre Efraim marse; mon ti pran zot dan mon lebra; me zot pa ti konnen ki mon pran swen pour zot.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Levitik 26:13

Mwan menm SENYER zot Bondye ki ti fer zot sorti Lezip pour ki zot pa vin lesklav ankor. Mon'n tir bann fardo lo zot zepol; zot ava kapab mars avek lafyerte.

Levitik 26:3

Si zot swiv mon bann regleman, si zot gard mon bann komannman e met zot an pratik,

Nonm 12:13

Alor Moiz ti priy SENYER. I ti dir, “Mon Bondye, mon sipliy ou, geri li!”

Deterononm 12:25

Pa manz disan, pour ki zot ava ere, ou, ek tou ou bann zanfan apre ou. Zot ava'n fer sa ki byen devan SENYER.

Deterononm 12:28

Fer sir ou obei tou sa bann komannman ki mon ordonn ou ozordi. Konmsa, ou ava kapab viv ere, ou, avek ou bann zanfan pour touzour, akoz ou ava pe fer sa ki byen e drwat devan SENYER, ou Bondye.

Deterononm 13:18

SENYER ava fer sa, si ou obei lalwa SENYER, ou Bondye, e gard son bann komannman ki mon pe ordonn ou ozordi, e si ou fer sa ki drwat pour SENYER, ou Bondye.

Deterononm 28:27

SENYER pou anvoy lo ou, bann ilser parey Lezip: Labse, lagal, ek lagratel ki pa pou geri.

Deterononm 28:58

Si ou pa obzerv fidelman tou bann parol sa lalwa ki'n ganny ekri dan sa liv, si ou pa onor non glorye e merveye SENYER, ou Bondye,

Deterononm 28:60

I ava anvoy lo ou tou bann lepidemi Lezip ki ti fer ou per e kont ki napa okenn gerizon.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.

Deterononm 5:1

Moiz ti rasanble pep Izrael antye. I ti dir zot: Izrael! Ekout bann lalwa ek regleman ki mon pe donn zot ozordi. Aprann zot e fer sir ki zot ganny met an pratik.

Deterononm 7:15

SENYER pour fer disparet tou kalite maladi parmi zot. I pa pou anvoy ou tou bann lepidemi ki ou ti byen konnen ler ou ti Lezip. Me i ava anvoy sa bann maladi lo tou bann dimoun ki ay ou.